កក្រើក ៖ យុវជនចិត្តសឿង ជួលឧក្រិដ្ឋជន សម្លាប់រង្គាល ក្រុមគ្រួសាររបស់ខ្លួន

ព័ត៌មានអន្តរជាតិ ៖ សោកនាដកម្មមួយ នៅឯប្រទេសចិនដែលស្ទើរតែមិនគួរអោយជឿត្រូវបានក្រុមអ្នកប្រើប្រាស់អ៊ិនធើណេត     យកមកធ្វើការពិភាក្សា  ក៏ដូចជាចែករំលែក និងរិះគន់ជាបន្តបន្ទាប់  ទៅលើយុវជនម្នាក់  បានជូយឧក្រិដ្ឋជន   បើកការវាយប្រហារសម្លាប់រង្គាល  មកលើក្រុមគ្រួសាររបស់ខ្លួន  បន្ទាប់ពីពួកគាត់     ដាក់សម្ពាធខ្លាំងពេកក្នុងការសិក្សា    នេះបើយោងតាមសេចក្តីរាយការណ៍ព័ត៌មាន​​ ​  ដែលបានចេញផ្សាយដោយគេហទំព័របរទេស កាលពីពេលកន្លងទៅ ។  បើទោះជារឿងនេះ  បានកើតឡើងរាងយូរបន្តិចមែន តែវាក៏ត្រូវបានក្រុមអ្នកប្រើប្រាស់អ៊ិនធើណេតមួយចំនួនចែករំលែកសាជាថ្មីនូវសោកនាដកម្មមួយនេះ។

គួរបញ្ជាក់ផងដែរថា   ករណីឃាតកម្មជូយឧក្រិដ្ឋជនសម្លាប់រង្គាល​ ក្រុមគ្រួសាររបស់ខ្លួនមួយនេះ បានកើតឡើងនៅខេត្ត Henan ប្រទេសចិន។ ដោយឡែក បើនិយាយពីជន រងគ្រោះ     ដែលត្រូវ បានសម្លាប់   ក្នុងនោះរួមមានដូចជា   ៖  ឪពុកឈ្មោះ Gao Tianfeng​រួមទាំងកូនស្រីរបស់គាត់ផងដែរ បើយនិយាយពីម្តាយវិញ ត្រូវបានរួចផុតពីសោកនាដកម្មមួយនេះ បន្ទាប់ពីគាត់មិនបាននៅផ្ទះនោះទេ ។

ប្រភពសារព័ត៌មានដដែលបន្ថែមផងដែរថា កូនប្រុសដែលជនជាប់ចោទជួលឧក្រិដ្ឋជនរូបនោះ មានឈ្មោះ Zhang X ជាលទ្ធផលត្រូវបានធ្វើការចាប់ឃាត់ខ្លួន និងផ្តន្ទាទោសទៅតាមផ្លូវច្បាប់របស់ប្រទេសនេះ  បន្ទាប់ពីការតាមដានស៊ើបអង្កេតត្រូវបានរកឃើញ  និងបញ្ជាក់ការពិតថាគេពិតជាបានជួល  ជនដៃដល់ឈ្មោះ Wu X  អោយមកសម្លាប់ក្រុមគ្រួសារគេពិតប្រាកដមែនដោយសន្យានិងផ្តល់ជាសាច់ប្រាក់ 200,000RMB ជាថ្នូរនឹងការសម្លាប់មនុស្សម្នាក់ៗ ៕

ដោយ ​៖ រិទ្ធីប្រភព ៖ អាស៊ីវ័ន