“ថ្ងៃអវសាននៃផែនដី នឹងកើតឡើងនៅចុងឆ្នាំ ២០១៦” នេះជាប្រកាសរបស់អ្នកវិទ្យាសាស្ដ្រកុំព្យូទ័រ

យោងតាមទ្រឹស្ដីមួយ កាលពីពេលថ្មីៗនេះ បានឱ្យដឹងថា ព្រះយ៉េស៊ូ នឹងត្រលប់មកផែនដី ហើយមនុស្សនឹងប្រឈមមុខទៅនឹងថ្ងៃអវសាននៃផែនដី។

Nora Roth ដែលជាអ្នកជំនាញខាងបង្កើតកម្មវិធីកុំព្យូទ័រ កាន់សាសនាគ្រីស្ទ បានឱ្យដឹងថា ខ្លួនបានធ្វើការសិក្សាស្រាវជ្រាវ និងរកឃើញថា ថ្ងៃអវសាននៃផែនដីនឹងកើតឡើងនៅចុងឆ្នាំ ២០១៦នេះ។ ពេលនោះ ផែនដីនឹងមិនមានមនុស្សរស់នៅក្នុងរយៈពេល ១.០០០ឆ្នាំ។

អ្នកស្រី Nora Roth បានប្រកាសអំពីការរកឃើញរបស់ខ្លួនអំពីថ្ងៃអវសាននៃផែនដី នៅក្នុងអត្ថបទដែលមានចំណងជើងថា 2016 The Time of the End នៅលើគេហទំព័ររបស់ខ្លួនដែលមានឈ្មោះថា MarkBeast។

អ្នកស្រី Nora Roth សង្កត់ធ្ងន់ថា “នៅរដូវស្លឹកឈើជ្រុះ ឆ្នាំ ២០១៦ បណ្ដាទោសកំហុសក្នុង រយៈពេល ៦.០០០ឆ្នាំនៅលើផែនដីនឹងត្រូវបញ្ចប់។ល។ ព្រះយេស៊ូនឹងត្រលប់មក ដើម្បីនាំមនុស្សរបស់ទ្រង់ឡើងទៅស្ថានសួគ៌។ ក្រោយមក ផែនដីនឹងគ្មានអ្វីរស់នៅក្នុងរយៈពេល ១.០០០ឆ្នាំ”។

លទ្ធផលនៃការគន់គូររបស់អ្នកស្រី Nora Roth ដើម្បីបញ្ចេញនូវទ្រឹស្ដីខាងលើអំពីថ្ងៃអវសាននៃផែនដីនេះ ត្រូវបានធ្វើឡើង បន្ទាប់ពីអ្នកស្រីបានធ្វើការសិក្សាស្រាវជ្រាវទៅលើគម្ពីរ Daniel ដែលនិយាយអំពីរឿងរ៉ាវរបស់ជនជាតិជ្វីហ្វ ដែលត្រូវបង្ខំឱ្យទៅកាន់ Babylon។

នេះមិនមែនជាលើកដំបូងនោះទេ ដែលគេឃើញមានទ្រឹស្ដី ដែលអះអាងថា ថ្ងៃអវសាននៃផែនដីនឹងកើតឡើងនៅក្នុងឆ្នាំ ២០១៦ នៅពេលព្រះយេស៊ូវិលត្រលប់មកវិញ។ មុននេះ ក៏មានទ្រឹស្ដីមួយដែលនិយាយថាផែនដីនឹងត្រូវបំផ្លាញនៅក្នុងខែកក្កដាឆ្នាំ ២០១៦។ ប៉ុន្តែ ផែនដីនៅតែមានសេចក្ដីសុខ ហើយមិនមានសញ្ញាណាដែលបង្ហាញថា ជីវិតរបស់មនុស្សត្រូវបានគំរាម៕

ប្រែសម្រួល ៖ តារាប្រភព ៖ Dailymail