ក្នុងរយះពេលតែ ៤ថ្ងៃប៉ុណ្ណោះ ក្រោយពេលបានបង្ហោះឡើងនៅលើ YouTube, បទចម្រៀងថ្មី Gentleman របស់តារាចម្រៀង Pop កូរ៉េខាងត្បូង Psy ទទួលបានឯត្តទគ្គកម្មថ្មីយ៉ាងងាយស្រួលនៅលើ Youtube ជាមួយនឹង ជិត ១០៦លាន Views បើគិតមកដល់ព្រឹកថ្ងៃទី១៧ ខែមេសា ឆ្នាំ២០១៣ នេះ។
Gentleman នេះគឺជាជោគជ័យថ្មីមួយទៀត បន្ទាប់ពីបទ Gangnam Style ដែលបានធ្វើព្យុះធ្វើភ្លៀង ទូទាំងពិភពលោកកាលពីឆ្នាំ ២០១២។
ជាមួយ ១៨,៩លាន Views នៅថ្ងៃបង្ហាញខ្លួន ១៣/០៤/២០១៣, Gentleman បានបំបែកឯត្តទគ្គកម្មចំនួនចូលមើលច្រើនបំផុត សំរាប់វីដេអូក្នុងថ្ងៃដំបូងបានបង្ហោះចូល YouTube។ ប្រៀបជាមួយនឹង ឯត្តទគ្គកម្មពីមុននោះគឺ Beauty and a Beat របស់ Justin Bieber និង Nicki Minaj កាលពីថ្ងៃទី១៣/១០ ឆ្នាំមុន, Gentleman មានជ្រើនជាង ៨,៣លាន Views។
នៅក្នុងវីដេអូថ្មីរបស់ខ្លួន, Psy បង្ហាញខ្លួនជាមួយរូបរាងខាងក្រៅ Brand Nmae Psy: ពាក់វែនតាមូលៗ និងអាវធំ ហើយថតនៅទីក្រុងសេអ៊ូល។ Gentleman និយាយរៀបរាប់អំពីរឿងបុរសអ្នកមានដ៏ទំនេរម្នាក់ ដែលចូលចិត្តបំផ្លាញពេលវេលា ដោយការលេងរំខានអ្នកដទៃ រហូតដល់បានជួបគូអនាគតរបស់ខ្លួន។
កាលពីឆ្នាំមុន Psy បានបំបែកឯត្តទគ្គនៅលើ YouTube ជាមួយបទចម្រៀងក្បាច់រាំសេះGangnam Style ដែលទទួលបានការចុចចូលទស្សនាជាង ១ពាន់លាន Views ហើយបច្ចុប្បន្នកំពុងគ្រងតំណែងជាវីដេអូដែលត្រូវបានគេចូលទស្សនាច្រើនជាងគេបំផុត នៅក្នុងប្រវត្តិសាស្រ្ត YouTube៕
ដោយ៖ សិលាប្រភព៖ VReview