លោក Bryan Bednarek បានទះដៃខ្លួនឯង បានយ៉ាងលឿនបំផុត នៅក្នុងពិភពលោក ដោយបានថតជាវីដេអូបង្ហោះក្នុង YouTube ដែលគាត់អាចទះដៃបាន ៨០២ដង ក្នុងរយៈពេល ត្រឹមតែ ៦០វិនាទីតែប៉ុណ្ណោះ។
ដោយយោងតាម ការរាប់នៅក្នុងវីដេអូ លោក Bryan បានទះដៃទាំងពីររបស់គាត់បាន រហូតទៅដល់ ៨០២ដង ក្នុងរយៈពេល ១នាទី ដែលចំនួននេះលើសដល់ទៅ ៨១ដង នៃការបំបែកឯតទគ្គកម្មពិភពលោក របស់លោក Kent French ដែលជាប់ក្នុង Guinness record កាលពីឆ្នាំ២០០៣។
ទោះបីជាមានវីដេអូបញ្ជាក់ថា លោក Bryan Bednarek អាចបំបែកឯតទគ្គកម្មទះដៃ បានច្រើនជាងលោក Kent French ក៏ដោយ ប៉ុន្តែ Guinness ពុំទាន់បានបញ្ជាក់ប្រាប់ថា គាត់អាចបំបែកឯតទគ្គកម្មថ្មី បាននៅឡើយទេ ទាល់តែ Guinness ឲ្យលោកធ្វើបែបនេះ ម្តងទៀត នៅក្នុងកម្មវិធីតែម្តង ដើម្បីបញ្ជាក់ថាវាជារឿងពិត៕
ផ្តល់សិទ្ធិដោយ៖ ដើមអំពិល