អ្នកស្នេហា iPhone របស់ Apple នឹងទទូលបានកំណែពណ៌ថ្មី ដែលមានលក្ខណៈជាបុរសជាងមុន ព្រមទាំងមានភាពទាក់ទាញគួរឱ្យចាប់អារម្មណ៍។
យោងតាមការចុះផ្សាយពីទំព័រ Macotakara (ជប៉ុន) Apple កំពុងតែមានគម្រោងបង្កើតកំណែពណ៌ថ្មីមួយទៀត នៅលើ iPhone 7។ កំណែពណ៌ថ្មីដែលអតិថិជននឹងទទួលបាន នោះគឺពណ៌ខ្មៅងងឹត ប្រហាក់ប្រហែលនឹងពណ៌ខ្មៅនៅលើ iPhone 5។
ប្រភពព័ត៌មានឱ្យដឹងថា Apple ប្រហែលជាហៅកំណែពណ៌ខ្មៅនេះថា “Space Black”។ កំណែពណ៌ខ្មៅងងឹតនេះ នឹងនាំមកនូវភាពជាបុរស និងទាក់ទាញ សម្រាប់ iPhone 7 ជាង ពណ៌ប្រផេះ Space Gray។
ប្រសិនជា Apple បង្កើតកំណែពណ៌ខ្មៅនេះមែន គេជឿថា ពណ៌ប្រផេះ (Space Gray) ដែលបង្ហាញខ្លួននៅលើ iPhone 5s/6/6s/6 Plus/6s Plus នឹងត្រូវបានបំបាត់ នៅលើ iPhone 7។
ប្រភពព័ត៌មានមួយចំនួននិយាយថា iPhone 7 នឹងប្រើគ្រាប់ចុច Home ជាលក្ខណៈថាច់ ដូចទៅនឹង TouchPad របស់ MacBook។ ចំណែកកាស EarPods ក៏នឹងជាប្រភេទមិនមានខ្សែ ហើយអ្នកប្រើប្រាស់មិនចាំបាច់តភ្ជាប់តាមរយៈរន្ធ lightning នោះដែរ។
ចំណែករូបថតបែកធ្លាយនៅលើទំព័រ Playfuldroid ឱ្យដឹងថា iPhone 7 នៅតែមានកាមេរ៉ាគូនៅពីក្រោយ ហើយនៅក្បែរនោះគឺរន្ធមីក្រូហ្វូន និងភ្លើង Flash ។
ប្រែសម្រួល ៖ បុត្រា