ព័ត៌មានអន្តរជាតិ ៖ បើតាមការអោយដឹងពីទំព័រសារព័ត៌មានបរទេស អាស៊ីវ័ន ដែលទើបតែបានចេញផ្សាយកាលពីពេលកន្លងទៅនេះ អោយដឹងថា មនុស្សច្រើនជាង ៤០ ពាន់នាក់បានមកប្រមូលផ្តុំគ្នា ក្នុងការប្រារព្ធកម្មវិធីបុណ្យ ZoukOut ប្រចាំឆ្នាំ។
គួររំឭកផងដែរថា ZoukOut ២០១២ នេះត្រូវបានធ្វើឡើងនៅក្នុងប្រទេសសិង្ហបុរី នាឆ្នេរ Sen-tosa's Siloso ដែលមានរយៈពេលពីររាត្រី ពោលគឺ នៅរាត្រីថ្ងៃទី០៧ និងទី០៨ ធ្នូ ។ លើសពីនេះទៅទៀត បើយើងងាកក្រឡេកទៅមើលកម្មវិធីច្រៀងស្រែកឡូឡា ក៏ដូចជា កម្មវិធីលេងហ្គេមកំសាន្តនានា នៅក្នុងឧកាសប្រារព្ធបុណ្យ ZoukOut ២០១២ នោះ គេឃើញមានមនុស្សចូលរួមច្រើនជា ៤០,០០០ នាក់ទៅទៀត ដែលនៅក្នុងនោះ រួមមានយុវវ័យ ក៏ដូចជា ភ្ញៀវទេសចរបរទេសមួយចំនួនផងដែរ។
មិនត្រឹមតែប៉ុណ្ណោះ ក៏មានការអញ្ជើញចូលរួមពីសំណាក់ DJ ល្បីៗ មិនតិចជាង ២០ រូបនោះទេ ស្របពេលដែល ក្រុមតារាចម្រៀងអង់គ្លេស ក៏បានផ្តល់ជាកេត្តិយសក្នុងការច្រៀងបិទកម្មវីធីដើរម៉ូតនារាត្រីថ្ងៃទីមួយផងដែរ៕
ដោយ ៖ ពិសីប្រភព ៖ អាស៊ីវ័ន