ស្មាតហ្វូនអេក្រង់២របស់ចិន នឹងចេញលក់ក្នុងពេលឆាប់ៗខាងមុខ

ខុសពី YotaPhone បណ្ដាសេនសឺររបស់ស្មាតហ្វូន Hisense A2 នឹងមាននៅលើអេក្រង់ទាំងពីរ ដើម្បីឱ្យងាយស្រួលក្នុងការប្រើប្រាស់។

នៅលើគេហទំព័ររបស់នាយកដ្ឋានផ្ដល់លិខិតទទួលស្គាល់ TENAA (ចិន) ថ្មីៗនេះ បានលេចចេញនូវម៉ូដែលស្មាតហ្វូនខុសគេមួយប្រភេទដែលមានឈ្មោះថា Hisense A2 ជាមួយនឹងអេក្រង់ពីរ (មួយពណ៌ មួយសខ្មៅ) ដូចទៅនឹងស្មាតហ្វូនមុខពីរមកពីប្រទេសរុស្ស៊ី YotaPhone។

កំណែ concept របស់ស្មាតហ្វូនអេក្រង់ពីរនេះ ត្រូវបានក្រុមហ៊ុនដាក់បង្ហាញនៅក្នុងពិព័រណ៍ IFA 2016 ហើយពេលនេះ វាត្រូវបានចុះឈ្មោះជាផ្លូវការ ប្រការនេះ បញ្ជាក់ថា ក្រុមហ៊ុន Hisense បានចាប់ផ្ដើមដំណើរការគម្រោងរបស់ខ្លួន និងអាចបញ្ចេញលក់ក្នុងទីផ្សារនាពេលឆាប់ៗខាងមុខ។

អេក្រង់ទីមួយរបស់ Hisense A2 ប្រើប្រាស់បន្ទះ IPS ចំណែកអេក្រង់ទីពីរ (សខ្មៅ) ប្រើបច្ចេកវិទ្យា ទឹកខ្មៅអេឡិចត្រូនិច E-Ink ដើម្បីជួយសំចៃថាមពលថ្ម។ ខុសពី YotaPhone ដែលបំពាក់តែសេនសឺរ និងឧបករណ៍បំពងសម្លេង នៅលើអេក្រង់មុខ បណ្ដាសេនសឺរដូចជា ពន្លឺបរិយាកាសជុំវិញ និងឧបករណ៍បំពងសម្លេងរបស់ Hisense A2 នឹងមានវត្តមាននៅលើអេក្រង់ទាំងពីរ ដើម្បីងាយស្រួលប្រើប្រាស់។

គ្រឿងម៉ាស៊ីនរបស់ Hisense A2 ៖អេក្រង់ទីមួយ ៖ 5.5-inch, IPS, Full HDអេក្រង់ទីពីរ ៖ 5.17 inch, E-Ink, qHDRAM: 4 GBអង្គចងចាំក្នុង ៖ 64 GBmicroSD ៖ មានកាមេរ៉ាក្រោយ ៖ 16 MPកាមេរ៉ាមុខ ៖ 5MPថ្ម ៖ 3000 mAhទម្ងន់ ៖ 190 gទំហំ ៖ 157,25x76,8x8,4 mmប្រព័ន្ធប្រតិបត្តិ ៖ Android 6.0.1

ប្រែសម្រួល ៖ តារាប្រភព ៖ phoneradar