អ្នកតែងតែមានចម្ងល់ថា តើតារាកូរ៉េខាងត្បូង ផាត់មុខបែបណា បានជាផ្ទៃមុខរបស់ពួកគេ.ស ខ្ចី ភ្នែកមានមន្ដស្នេហ៍ ពិសេសគឺបបូរមាត់ស៊ិចស៊ីដូច្នោះ។ចំណុចសំខាន់នៃវិធីផាត់មុខរបស់តារាកូរ៉េខាងត្បូង គឺផ្ដោតទៅលើការទទួលពន្លឺ នៅពេលផាត់មុខ ត្រូវយកចិត្តទុកដាក់ចំពោះភ្នែក ថ្ពាល់ និងបបូរមាត់ ធ្វើយ៉ាងណាឱ្យវាមានសភាពសមស្របនឹងគ្នា បង្កបានជាភាពទាក់ទាញ។
តារាស្រីស្រស់ស្អាតពីររូបរបស់កូរ៉េខាងត្បូង ជាមួយនិងការផាត់មុខបែបស្រាល ស្រទន់ ពេញដោយភាពជាធម្មជាតិ ទាក់ទាញបានអ្នកគាំទ្រយ៉ាងច្រើន។
ពេលនេះ យើងចាប់ផ្ដើមធ្វើការផាត់មុខ ទៅតាមវិធីសាស្ដ្របែបកូរ៉េ ដូចខាងក្រោម ៖ប្រើប្រាស់ក្រែមបំប៉នទប់ទល់នឹងជាតិខ្លាំង និងក្រែមទ្រនាប់ (១,២) លាយជាមួយគ្នា។ប្រើជក់លាយឱ្យសព្វចូលគ្នា រួចលាបលើមុខ ដោយលាបពីខាងក្នុងចេញមកក្រៅ។ប្រើជក់តូចផាត់ក្រែមខាងលើ ដើម្បីបំបាត់ចំណុចអវិជ្ជមាននៅលើភ្នែក ផាត់ពីដើមភ្នែក ដល់ចុងភ្នែក។ផាត់ក្រែមនេះនៅលើថ្ងាស់ ពីស្ដាំទៅឆ្វេង រួចប្រើអេប៉ុងហ្ស៍ជូតថ្នមៗឱ្យស្មើគ្នានៅលើថ្ពាល់ និងផ្នែកដែលមានរាងជាអក្សរ T ។
ប្រើប្រាស់ក្រែមទ្រនាប់ដើម្បីបំបាត់ស្នាមនៅលើក្ដោងច្រមុះ និងច្រមុះទាំងមូល រួមនិងជុំវិញភ្នែក។
បន្ទាប់មក ប្រើខ្មៅដៃពណ៌ខ្មៅ គូសក្បែរគល់រោមនៃត្របកភ្នែកលើ រួចបន្ដគូសឱ្យបានក្រាស និងអូសទៅដល់កន្ទុយភ្នែក។ប្រើម្សៅគុជខ្យង គូសត្របកភ្នែកក្រោម ដើម្បីជួយឱ្យភ្នែកមានសភាពភ្លឺរលោង។
ញញឹមឱ្យបានស្រស់ រួចប្រើម្រាមដៃចុច និងដៅសញ្ញានៅត្រង់ឆ្អឹងថ្ពាល់ដែលនៅខ្ពស់បំផុត។ ប្រើជក់ធំ ផាត់ក្រែមថ្ពាល់ពីក្រោមឡើងទៅកាន់តំបន់ត្រចៀក។
ប្រើប្រាស់ក្រែមពណ៌ផ្កាឈូកស្ដើង លាបបបូរមាត់ទាំងលើ ទាំងក្រោម។ បន្ទាប់មក យកក្រែមរលោង លាបពីលើមួយជាន់ទៀត ពិសេសគឺបបូរមាត់ក្រោម។ ធ្វើបែបនេះ ដើម្បីជួយឱ្យបបូរមាត់មានភាពទាក់ទាញ។
ជាចុងក្រោយ យកម្សៅគុជខ្យងពណ៌សាច់រលោង លាបនៅត្រង់ចង្អូរនៃបបូរមាត់លើ លាបចេញមកសងខាង ដើម្បីជួយឱ្យបបូរមាត់របស់អ្នក មានរូបរាងកាន់តែច្បាស់ និងស៊ិចស៊ី។
សម្រេច ៖
ដោយ ៖ តារាប្រភព ៖ PNN