អាថ៌កំបាំងដើម្បីឱ្យធ្មេញ ស ភ្លឺរលោង ដោយ​ធម្ម​ជាតិ

ធ្មេញ ស ភ្លឺ គឺជាចំណុចដ៏សំខាន់មួយក្នុងការជួយឱ្យស្នាមញញឹមរបស់អ្នក បានស្រស់ស្អាត មានមន្ដស្នេហ៍។ ដើម្បីឱ្យធ្មេញបានស អ្នកអាចប្រើប្រាស់វិធីមួយចំនួនខាងក្រោម ៖

ប៉ោម

ផ្លែប៉ោម ត្រូវបានគេចាត់ទុកដូចជាច្រាស់ដុសធ្មេញមួយ ជួយឱ្យធ្មេញជ្រះស្អាត។ ចូរព្យាយាមហូបផ្លែប៉ោមឱ្យបានមួយ ឬពីរផ្លែក្នុងមួយថ្ងៃ ដើម្បីសម្អាតកាកសំណល់នៅលើធ្មេញ។ នៅពេលហូប ចូរទំពាឱ្យបានម៉ត់ ដើម្បីឱ្យមានប្រសិទ្ធិភាពក្នុងការសម្អាតដោយភាពកកិត។

សណ្ដែកដីឆៅ

វិធីមួយគឺអាចយកសណ្ដែកឆៅមកទំពាឱ្យម៉ត់ ដោយមិនចាំបាច់លេប ក្រោយមក យកកំទេចគ្រាប់សណ្ដែកដីឆៅ ធ្វើជាថ្នាំដុសធ្មេញពិសេស។ វិធីនេះនឹងជួយឱ្យធ្មេញរបស់អ្នកបានស រលោងដោយធម្មជាតិ។អំបិល

លាយអំបិលជាមួយទឹកសុទ្ធ ទុកសម្រាប់ខ្ពុរមាត់រាល់ថ្ងៃ។ ទឹកអំបិលនឹងជាអ្នកកំចាត់មេរោគនៅក្នុងមាត់។ ក្រៅពីនេះ ទឹកអំបិលក៏ជួយកាត់បន្ថយការឈឺចាប់ធ្មេញ ដង្កូវស៊ីធ្មេញ និងទប់ស្កាត់ការកកើត និងការរីកចម្រើននៃកំណកកំបោរដែលជាប់នៅលើធ្មេញ។អំពៅ

អ្នកគួរតែហូបអំពៅ ព្រោះថា ក្រៅពីជួយឱ្យមានកម្លាំង អំពៅក៏ជួយឱ្យធ្មេញបានស និងជ្រះស្អាត។ នៅពេលទំពា កាកអំពៅនឹងកកិតជាមួយធ្មេញ ជួយបំបាត់កាកសំណល់លើធ្មេញ ធ្វើឱ្យធ្មេញ ស រលោង។ស្លា

នេះគឺជាវិធីបុរាណមួយដែលជួយឱ្យធ្មេញបានរលោង យ៉ាងមានប្រសិទ្ធិភាព។ ចូរយកស្លាមួយចំណិត បុកឱ្យម៉ត់ រួចយកទៅត្រដុសលើស្នាមខ្មៅ ឬលឿងនៅលើធ្មេញ នោះ មិនយូរប៉ុន្មានធ្មេញរបស់អ្នកនឹងបានរលោងស្អាតដូចបំណង។សម្បកក្រូចពោធិ៍សាត់

អ្នកក៏អាចប្រើសម្បកក្រូចពោធិ៍សាត់ស្រស់ ជាទម្លាប់ប្រចាំថ្ងៃ ដើម្បីកាត់បន្ថយពណ៌លឿងនៅលើធ្មេញ ដោយយកវាត្រដុសទៅលើធ្មេញមុនពេលចូលគេង។ក្រូចឆ្មារ

សារជាតិខាត់ដែលមាននៅក្នុងក្រូចឆ្មារ ក៏ត្រូវបានប្រើប្រាស់ដើម្បីបំបាត់ស្នាមលឿងនៅលើធ្មេញ។ ជាក់ស្ដែង ការខ្ពុរមាត់ដោយទឹកក្រូចឆ្មារ និងត្រដុសធ្មេញដោយសម្បកក្រូចឆ្មារ គឺជាវិធីល្អបំផុត ជួយឱ្យធ្មេញបានសជាងមុន។

ស្ដ្រូបូរី