ចម្លែកៗ ៖ យោងតាមការដកស្រង់អត្ថបទផ្សាយ ពីគេហទំព័រសារព័ត៌មានប្លែកបរទេស ដឹមីរ័រ បានចេញផ្សាយអោយដឹងថា បុរសម្នាក់ ត្រូវបានក្រុមមន្រ្តីប៉ូលីសធ្វើការចាប់ឃាត់ ពីបទធ្វើដំណើរដោយជិះសេះទាំងស្រវឹង ទៅចូលរួមពិធីរៀបមង្គលការ របស់បងប្អូនប្រុសខ្លួនដែលមានចម្ងាយជាង ៦០០ ម៉ាយ ។
ប្រភពសារព័ត៌មានដដែលបន្ថែមថា បុរសរូបនេះ មានឈ្មោះថា Patrick Schumacher វ័យ៤៥ ឆ្នាំ ត្រូវបានប្រទះឃើញថាបានអមដំណើរជាមួយនឹងឆ្កែរបស់ខ្លួន មានឈ្មោះថា Buff-ord ក៏ដូចជាបានរកឃើញ ស្រាបៀរ និងកូនកាំភ្លើងខ្លី នៅជាប់នឹងពូកកែបសេះ ខណៈពេលដែលមានការចាប់ឆែកឆេរ ពីសំណាក់ក្រុមមន្រ្តីប៉ូលីស។
ខណៈពេលដែលមានការធ្វើចរាចរណ៍ ក្នុងស្ថានភាពរាងស្រវឹង ដោយមានការសុំផ្លូវ ពីសំណាក់អ្នកឯទៀតនៅក្នុងក្រុង មន្រ្តីប៉ូលីស ក៏បានចាប់ឃាត់ខ្លួន និងពិនិត្យវាស់ជាតិអាកុលទើបរកអោយឃើញថា គាត់ពិតជាស្រវឹងពិតប្រាកដ។
ដោយឡែក បន្ទាប់ពីមានការចាប់ឃាត់ខ្លួនហើយនោះ ជនជាប់ចោទរូបនេះ បានបញ្ជាក់ប្រាក់អោយដឹងថា មូលហេតុដែលខ្លួនធ្វើដំណើរពីរដ្ឋ Colorado ទៅរដ្ឋ Utah នោះ ក៏ព្រោះតែខ្លួនចង់ចូលរួមកម្មវិធីរៀបមង្គលការរបស់បងប្អូនប្រុសខ្លួន ដែលបានប្រារព្ធឡើងនៅទីនោះ ខណៈពេលដែលខ្លួន បានបាត់ប័ណ្ណបើកបរបាត់ទៅហើយ។
បុរសរូបនេះ ប្រឈមនឹងការចោទប្រកាន់ពីបទធ្វើ ការមិនសណ្តោសប្រណីដល់សត្វ ក៏ដូចជា ការប្រើប្រាស់អាវុធ ដែលត្រូវបានគេបំរាម៕
* ព័ត៌មានចាប់អារម្មណ៍ផ្សេងទៀត មាននៅខាងក្រោម ៖
- ធានាថាសើច .... វីដេអូបែបកំប្លែង បងចេក លេងកីឡា វាយបាវខ្សាច់ ហេ ហេ ហេ- អណោចអធម លោកតា វ័យ ៨៤ ស្លាប់ ក្រោយដំរី ទម្ងន់ជាង ២ តោន វាយប្រហារ ទាំងកម្រោល- ចំណាយលុយ ដល់ទៅ ជិត ៧ ពាន់ដុល្លារ វះកាត់កែសម្ភស្ស អោយដូច Superman
ដោយ ៖ ពិសិដ្ឋប្រភព ៖ ដឹមីរ័រ