អង់គ្លេស ៖ បើតាមរបាយការណ៍ដែលបានចេញផ្សាយដោយគេហទំព័រសារព័ត៌មានចក្រភពអង់គ្លេស The Sun បានអោយដឹងថា វីដេអូដែលត្រូវបានថតជាប់នូវសកម្មភាពចោរលួចទូរស័ព្ទដៃស្មាតហ្វូន iPhone ពីទារក ត្រូវបានបង្ហោះចូលទៅក្នុងគេហទំព័រវីដេអូដ៏ពេញនិយម Youtube ជាផ្លូវការ។
គួរបញ្ជាក់ផងដែរថា បើយោងតាមសម្តីស្រ្តីដែលមានឈ្មោះ Danielle Hinnigan ត្រូវជាម្តាយរបស់ទារកតូចនោះ បានអោយដឹងថា នាងបានអោយទូរស័ព្ទ iPhone របស់នាងទៅកូនគាត់ ដើម្បីមើលកម្មវិធីកំសាន្ត Barney របស់ក្មេងៗ ស្របពេលដែលនាងទុកគេចោល ហើយដើរទិញឥវ៉ាន់បាត់។
លុះពេលត្រលប់មកវិញ ទើបនាងបានដឹងថា ទូរស័ព្ទដៃនោះ ត្រូវបានចោរលួចបាត់ទៅហើយ ស្របពេលដែលនាងនិយាយបញ្ជាក់ថា សា្វមីរបស់នាងពិតជាខឹងខ្លាំងជាក់ជាមិនខាន ខណៈពេលដែលនាងមានការធ្វេសប្រហែសបែបនេះ ។ ដើម្បីអោយជ្រាបកាន់តែច្បាស់ថាតើ សកម្មភាពលួច មានទិដ្ឋភាពរួមយ៉ាងណានោះ តាមដានទស្សនានូវវីដេអូ ខាងក្រោមនេះបន្តិចទៅ ៖
ប្រការគួរចងចាំ ៖ ប្រហែសបាត់ ប្រយ័ត្នគង់
ដោយ ៖ ពិសីប្រភព ៖ Thesun