សុខចិត្តមិនទៅក្រេបទៅឃ្មុំ ដើម្បីយកប្រាក់ វះកាត់ឆ្កែកើតមហារីក

ប្លែកៗ ៖ យោងតាមរបាយការណ៍ ដែលបានចេញផ្សាយដោយគេហទំព័រសារព័ត៌មានបរទេសបានបញ្ជាក់អោយដឹងថា​ មានគូស្នេហ៍ ដែលជាទើបតែបានរៀបការថ្មីថ្មោង បានសំរេចចិត្តបោះបង់ចោលដំណើរកំសាន្តក្រេបទឹកឃ្មុំ  ក៏ព្រោះតែ  ដើម្បីយកប្រាក់  ទៅធ្វើការវះកាត់ឆ្កែជាទីស្រឡាញ់របស់ខ្លួន។

                  គូស្វាមីភរិយា ដែលមានឈ្មោះ Clare នឹង Ceri Morgan នឹង Teeto                                           ឆ្កែជាទីស្រឡាញ់របស់ពួកគេ

គួរបញ្ជាក់ផងដែរថា   គូស្វាមីភរិយាថ្មីថ្មោងមួយគូរនេះ  មានឈ្មោះថា Clare នឹង Ceri Morgan ប្រុងនឹងរៀបចំចេញទៅក្រេបទឹកឃ្មុំ នៅឯរដ្ឋ Las Vegas តែអ្វីៗត្រូវបានពន្យាពេល ស្របពេលដែលពួកគេបានគិតថា  ត្រូវតែគិតគូរដល់ឆ្កែជាទីស្រឡាញ់មួយក្បាលនេះ  ដែលមានឈ្មោះថា Teeto ។

លើសពីនេះទៅទៀត  បើយោងទៅតាមសម្តីស្រ្តីជាភរិយា  ដែលមានឈ្មោះថា  Clare វ័យ ២៦ឆ្នាំ បានបញ្ជាក់អោយដឹងថា ពួកយើងហ៊ានចំណាយប្រាក់ ដើម្បីធានាអោយបានថា Teeto អាចនឹងនៅរស់រានមានជីវិត ហើយបើនិយាយពីដំណើរក្រេបទឹកឃ្មុំវិញ  ចាំពេលក្រោយក៏វាមិនយឺតពេលនោះទេ  ស្របពេល  Teeto កំបុតជើងស្តាំរួចមកហើយ  ក៏ព្រោះតែជម្ងឺមហារីក បានធ្វើការវាយប្រហារ៕