ព័ត៌មានកំសាន្ត ៖ នៅក្នុងយប់មួយ តារាសម្តែងស្រីមាឌធំ រាងខ្ពស់ស្រលះ នាង Kimberly បានចូលរួមក្នុងកម្មវិធីមួយ ហើយក៏បានជួបជាមួយនិងអ្នកកាសែត ឆ្លៀតពេលនោះនាងក៏បានផ្តល់កិច្ចសម្ភាស៍ខ្លះៗជាមួយនិងពួកគេផងដែរ ។
នៅក្នុងនោះផងដែរ អ្នកកាសែតបានសួរទៅតួឯកស្រីក្នុងរឿង ហង្សបាក់ស្លាប ជំនាន់ទី ៣ រូបនេះថា ហេតុអ្វីបានជាមិនឃើញនាង និងលោក Mark prin ទៅណាមកណាជាមួយគ្នាជារឿយៗដូចកាលពីមុន ឬ អ្នកណាកំពុងតែមានជម្លោះអ្វីធ្ងន់ធ្ងររហូតឈានដល់ការបែកបាក់? ស្របពេលនោះផងដែរ នាង Kimberly ក៏បានឆ្លើយតបថា រូបនាងនិងមិត្តប្រុសគឺពិតជាបានឈ្លោះគ្នាពិតមែន ព្រោះចានក្នុងរ៉ាវ គង់នឹងមានប៉ះទង្គិចហើយ ប៉ុន្តែវាមិនមែនជារឿងធំដុំទេ ព្រោះពួកយើងនៅស្រលាញ់គ្នាដូចដើម គ្រាន់តែង៉ក់ងរដាក់គ្នាបន្តិចប៉ុណ្ណោះទេ ៕
ប្រែសម្រួល ៖ គន្ធា
ប្រភព ៖ kapook