កាលពីពេលថ្មីៗនេះ គណកម្មការគ្រប់គ្រងវិមាន Clifford នៅ Yorkshire ប្រទេសអង់គ្លេសបានបង្កើតប្រព័ន្ធដំបូលការពារមួយ ប្រកបដោយភាពច្នៃប្រឌិត ដោយប្រើប្រាស់ឆត្រចំនួន ៤៥ ដើម។
ប្រព័ន្ធដំបូលការពារនេះ ត្រូវបានគេប្រើប្រាស់ឆត្រដែលមានពណ៌ខុសៗគ្នា រួចចងព្យួរនៅលើខ្សែ ភ្ជាប់ពីជញ្ជាំងមួយទៅជញ្ជាំងមួយរបស់វិមាន ដែលត្រូវបានសាងសង់កាលពីយុគសម័យកណ្ដាលនេះ។
នេះគឺជាលើកដំបូងហើយដែលវិមាន Clifford មានប្រព័ន្ធការពារភ្លៀង ចាប់តាំងពីឆ្នាំ ១៦៨៤។ជាមួយនឹងចត្រចំនួន ៤៥ដើម អ្នកនឹងមិនបាច់ព្រួយបារម្ភអំពីអាកាសធាតុនោះឡើយ។
Louise Wyatt អ្នកគ្រប់គ្រងវិមាន Clifford អោយដឹងថា ៖ គំនិតនេះបានកើតឡើងកាលពីរដូវក្ដៅ នៅពេលមានគេនិយាយថា ៖ ប្រសិនមានឆត្រធំមួយ គឺប្រសើរខ្លាំងណាស់។ ក្រោយមកយើងក៏បានរកវិធីដើម្បីបង្កើតប្រព័ន្ធការពារមួយនេះ៕
ដោយ ៖ សូរីយ៉ាប្រភព ៖ k14