ស្ទើរតែមិនគួរអោយជឿ ៖ យោងតាមអត្ថបទផ្សាយ ពីគេហទំព័រសារព័ត៌មានបរទេស ប្លែកដឹមីរ័រ ដែលទើបតែបានចេញផ្សាយ កាលពីសប្តាហ៍កន្លងទៅនេះ អោយដឹងថា ត្រីកម្រមួយក្បាល មិនស្គាល់អត្តសញ្ញាណច្បាស់ ត្រូវបានគេប្រមាញ់ជាប់ នៅឯ ប្រទេសម៉ាឡេស៊ីខណៈត្រីមួយក្បាល គេចាត់ថា ជាកំពូលបេក្ខភាពត្រីដ៏កម្រ និង អាថ៍កំបាំងបំផុត ស្ទើរតែមិនធ្លាប់ជួបប្រទះ ស្របពេលដែលគេអាចសន្មត់បានថា វាគឺជាត្រីដែលមានរូបរាងអាក្រក់ជាងគេលើលោក។
ខណៈពេល ដែលវាមានក្បាលធំ អមទៅដោយតួខ្លួន មានបន្លារហូតដល់ចុងកន្ទុយតូចស្រួចនោះ ពូជត្រីមួយនេះ ត្រូវបានគេពណ៌នាអោយដឹងថា ជាពូជត្រីដ៏កម្របំផុត។ បន្ថែមពីលើនេះ បើយើងងាកក្រឡេកទៅមើលរូបភាពខាងលើនេះវិញ ច្បាស់ណាស់ ដូចដែលបានឃើញស្រាប់ វាមានរូបរាងក្បាលដ៏ចម្លែក អមទៅដោយ ទ្រនុងឆ្អឹង លយទៅមុខពីរនៅជិតនឹងមាត់របស់វាស្រាប់។
គួររំឭកផងដែរថា ប្រភពសារព័ត៌មានដដែលមួយនេះ អះអាងបន្ថែមអោយដឹងថា ត្រីមួយប្រភេទនេះ មានប្រវែងជាង ១ ហ្វឺត ។ ផ្ទុយទៅវិញ ជាមួយនឹងវត្តមានសត្វមានរូបរាងអាក្រក់ជាងគេលើលោកមួយនេះ បើនិយាយពី blobfish វិញ វាក៏ត្រូវបានគេចាត់ចូលជាសត្វអាក្រក់ជាងគេបំផុត លើលោកផងដែរ ខណៈមានការបោះឆ្នោត ជាសាធារណៈកាលពីពេលកន្លងទៅ។
បើយោងតាមសម្តីលោក Brian Cox ជាសាស្រ្តាចារ្យមួយរូប អះអាងអោយដឹងថា ៖ លោកគាំទ្រ ទៅនឹងយុទ្ធនាគារ គំពារសត្វមានរូបអាក្រក់ ក៏ព្រោះថា កាលពីអតីតកាល បណ្តាសត្វដែលមានរូបរាងស្អាត ត្រូវបានមហាជនមានការចាប់អារម្មណ៍ និង យកចិត្តទុកដាក់រួចជាស្រេចបាត់ទៅហើយ៕
ប្រែសម្រួល ៖ កុសលប្រភព ៖ ដឹមីរ័រ