បើនិយាយពីពាក្យចចាមអារាមដែលធ្លាប់តែនិយាយតៗគ្នាថា Facebook និងចេញលក់នូវទូរស័ព្ទ Smartphone របស់ខ្លួន តើវាជាការជាការពិតឬយ៉ាងណា? ទោះជាយ៉ាងណាក៏ដោយប្រភពព័ត៌មាននៅមិនទាន់ច្បាស់នៅឡើយទេថា Facebook នឹងមាន Smartphone របស់ខ្លួនឬក៏អត់។ ទន្ទឹមនិងនេះដែរក្រុមហ៊ុនក៏កំពុងតែដំណើរការទាក់ទងនិង Smartphone របស់ខ្លួន ដោយក្រុមហ៊ុនបានជ្រើសរើសវិស្វករជំនាញ Hardware មកធ្វើការនូវក្នុងវិស័យនេះនាប៉ុន្មានឆ្នាំចុងក្រោយ។
លើសពីនេះទៅទៀត គំរូទូរស័ព្ទមួយត្រូវបានគេដាក់បង្ហាញនៅលើគេហទំព័រ Yanko design ដែលត្រូវបានរចនាឡើងដោយ Michal Bonikowski ព្រមទាំងបញ្ជាក់ថាជារូបរាង Smartphone របស់ Facebook ត្រៀមចេញលក់នាពេលខាងមុខ។ សម្បកខាងក្រៅ Smartphone នេះមានពន្លឺភ្លឺរលោងដែលរំលេចដោយអក្សរ Facebook ពណ៌ខៀវ ហើយមានអេក្រង់ទំហំ 4.2 អ៊ីញ។ មិនត្រឹមតែប៉ុណ្ណោះទូរស័ព្ទមួយនេះ មានកាមេរ៉ាខាងមុខ 5 megapixel ហើយចំណែកឯកាមេរ៉ាខាងក្រោយវិញគឺ 8 megapixel បន្ថែមពីនេះ Michal Bonikowski ក៏បានបង្ហាញពីឆ្នាំងសាកថាមពលផងដែរ ដែលត្រូវបានរចនាឡើងយ៉ាងសាកសមសម្រាប់ Smartphone ក្នុងសម័យបច្ចុប្បន្ន។
បើតាមរបាយការណ៏បានអោយដឹងថា Facebook បានធ្វើការទៅលើ Smartphone តាំងពីឆ្នាំ២០១០។ ស្របពេលនោះដែរ យោងតាមរបាយការណ៏ AllThingsD ផ្សេងមួយទៀតក៏បានអោយដឹងថា Facebook និង ក្រុមហ៊ុន HTC បានកំពុងធ្វើការជាមួយគ្នាក្នុងការធ្វើឡើងនូវ Smartphoneរបស់ខ្លួនដែលនឹងអោយឈ្មោះថា Buffy ។ បើនិយាយពីអ្នកជំនាញវិស្វករ Hardware វិញត្រូវបានគេអ្នកដែលមានជំនាញខ្ពស់ទាក់ទងទៅនឹងបច្ចេកវិទ្យាទូរស័ព្ទ នេះបើយោងតាម The YorkTimes ។ ក្រុមហ៊ុនបណ្តាញទំនាក់ទំនងសង្គមមួយនេះ ព្យាយាមអភិវឌ្ឍន៏នូវ Smartphone របស់ខ្លួនដើម្បីធ្វើការប្រកួតប្រជែងនាពេលអនាគត។ ហើយក៏មានភាពជឿជាក់ផងដែរថា Buffy និងទទួលបានការគាំទ្រពីសំណាក់អ្នកប្រើប្រាស់ទូទាំងសកលលោក ដូចទៅនិង Smartphone ដទៃទៀតផងដែរ៕
ដោយ ៖ មង្គលប្រភព ៖ mashable