អាហ្វ្រិក៖ នេះពេលដែលគេបង្ហោះរូបភាពនៃ ក្រុមសត្វស្វានជាច្រើន ដែលមានរូបរាងប៉ុនឆ្កែចចក ធ្វើការវាយប្រហារទៅលើសត្វដំរីនោះ គឺបានធ្វើអោយមនុស្សជាច្រើន មានការភ្ងាក់ផ្អើលយ៉ាងខ្លាំង។
លោក Jayesh Mehta មានវ័យ ៤៧ឆ្នាំ ជនជាតិអាមេរិក បានអោយដឹង រូបភាពដែលមើលទៅមិនគួរអោយជឿនេះ ត្រូវបានគាត់ផ្ដិតពីសួនឧទ្យាន Chobe តំបន់ Savuti ទីក្រុង Botswana នៃប្រទេសអាហ្រិកខាងត្បូង។
លោក Jayesh បានបន្ដថា ដំបូងឡើងគឺមានកូនដំរីតូចមួយ បានដើរដាច់ស្នាក់តែឯង ហើយវាក៏បានដើរពើបប្រទៈជាមួយក្រុមសត្វស្វាននេះតែម្ដង។ ដោយឃើញតភាពឯកកោ របស់កូនដំរី សត្វស្វានក៏ធ្វើការហ៊ុំព័ទវាយប្រហារភ្លាម ដើម្បីបានជាចំណី។ ដោយសារតែភាពភ័ពខ្លាច កូនដំរីតូចក៏បានស្រែកយ៉ាងខ្លាំង ដើម្បស្វែងរកជំនួយ។
លោក Jayesh បានសង្កត់ទៀតថា ដោយសារលឺកូនរបស់វាស្រែក មេដំរីដ៏ធំ ក៏បានលេចមុខមកដល់ តែក្រុមសត្វស្វានដែលមានមាឌតូចមិនខ្លាចឡើយ ពោលគឺគេបាននូវវាយប្រហារ ជាមួយមេដំរីយ៉ាងយូរទៀតផង។ ដោយសារមេដំរីធ្វើការវាយប្រហារខ្លាំងៗពេក សត្វស្វានបានរត់គេចបាត់អស់ទៅ ហើយម្ដាយកូនគេ ក៏ទទួលបានសេចក្ដីសុខសុវត្ថិភាពទៅ៕
ដោយ៖ នារីប្រភព៖ dailymail