បវរកញ្ញាថ្មីរបស់អាមេរិក ថ្លែងថា នាងគាំទ្រចំពោះការចូលរួមប្រកួតបវរកញ្ញារបស់ក្រុមនារីកែភេទ ព្រោះនាងគិតថា វាជាសិទ្ធិ សេរីភាពដែលអ្នករស់នៅលើទឹកដីអាមេរិកគួរតែមាន។
Olivia Culpo មកពីរដ្ឋ Rhode Islan មានអាយុ ២០ឆ្នាំ បានជាប់ជាបវរកញ្ញាអាមេរិកឆ្នាំ ២០១២ កាលពីប៉ុន្មានថ្ងៃមុននេះ។ ស្រីស្អាតដែលមានកំពស់ ១,៧ម៉ែត្រ និងមិនត្រូវបានវាយតម្លៃខ្ពស់ប៉ុន្មាន ប៉ុន្ដែ នាងបានទទួលជោគជ័យក្នុងការប្រកួតបវរកញ្ញានៅអាមេរិក។
នៅក្នុងកិច្ចសម្ភាសមួយ បន្ទាប់ពីបានក្លាយជាបវរកញ្ញាថ្មីរបស់អាមេមរិក Olivia Culpo បានថ្លែងថា ខ្លួនជាមនុស្សញៀននឹងកុំព្យូទ័រ ចំណែកតារាហូលីវូដ ដែលនាងស្រឡាញបំផុត គឺលោកស្រី Audrey Hepburn។
Olivia Culpo បង្ហាញឈុតងូតទឹកក្នុងរាត្រីផ្ដាច់ព្រ័ត្រ
បច្ចុប្បន្ន បវរកញ្ញា Olivia Culpo គឺជានិស្សិតឆ្នាំទី២ នៅសាកលវិទ្យាល័យ Boston ពេលខាងមុខ នាងនឹងផ្អាកការសិក្សារយៈពេលមួយឆ្នាំដើម្បីបំពេញតួនាទីជាបវរកញ្ញាអាមេរិក។
គេបានដឹងថា នៅក្នុងវគ្គប្រកួតផ្ដាច់ព្រ័ត្រ Olivia Culpo បានទទួលសំណួរដែលសួរថា ៖ តើនាងគិតថា វាយុត្ដិធម៌ដែរ ឬទេ ប្រសិននារីកែភេទម្នាក់បានយកជ័យជំនះលើបេក្ខភាពជានារីភេទដទៃទៀតដើម្បីបានក្លាយជាបវរកញ្ញាអាមេរិក?
Olivia Culpo ក្នុងសន្និសីទកាសែត ពេលក្លាយជាបវរកញ្ញាអាមេរិក
Olivia Culpo ឆ្លើយថា ៖ ខ្ញុំគិតថា ប្រការនេះគឺជារឿងយុត្តិធម៌ បើទោះជាខ្ញុំយល់ថា អ្នករាល់គ្នានៅមានការមិនប្រាកដក្នុងចិត្ដ ចំពោះបញ្ហានេះ ព្រោះ អ្នកណាក៏ស្គាល់ស្ដ្រីពិតប្រាកដចូលរួមក្នុងការប្រកួតបវរកញ្ញា ប៉ុន្ដែបច្ចុប្បន្ន មានមនុស្សជាច្រើនត្រូវការផ្លាស់ប្ដូរជីវិតដើម្បីទទួលបានសុភមង្គលពិតប្រាកដ ដូច្នេះខ្ញុំទទួលស្គាល់ពួកគេ ដោយសារតែ យើងកំពុងរស់នៅលើទឹកដីដែលមានសេរីភាព។
Olivia Culpo កើតនៅក្នុងត្រកូលមួយដែលពុកម្ដាយរបស់នាងគឺជាអ្នកសិល្បៈ។ Olivia Culpo ធ្លាប់រៀនលេងឧបករណ៍តន្ដ្រីតាំងពីកាលនៅរៀនមធ្យមសិក្សា។ នាងបានធ្លាប់បានទៅសំដែងcelo នៅ Boston ក្រុងញូវយ៉ាក ហើយនាងក៏អាចនិយាយភាសាអ៊ីតាលីផងដែរ។
ក្រៅពីបានក្លាយជាបវរកញ្ញា ស្រីស្អាត Olivia Culpo បានសរសេរនៅលើប្លក់របស់ខ្លួនថា ៖ ខ្ញុំពិតជាភ្ញាក់ផ្អើល និងមានសុភមង្គលណាស់ ជាមួយនឹងជ័យជំនះរបស់ខ្ញុំ។
ដោយ ៖ សូរីយ៉ាប្រភព ៖ headblitz/zing