ព័ត៌មានអន្តរជាតិ ៖ គេហទំព័រសារព័ត៌មានពិភពលោក ក៏កំពុងតែមានការចាប់អារម្មណ៍ជាខ្លាំងជាមួយនឹងសមត្តភាពនារីជនជាតិចិនម្នាក់ ស្របពេលដែលមានការចុះផ្សាយតាមគេហទំព័ររៀងខ្លួនទាក់ទិនទៅនឹងសមត្តភាពពិសេសរបស់នាង ក្នុងការសរសេរអក្សរបានដោយដៃទាំងពីរព្រមៗគ្នា ខណៈពេលដែលដៃស្តាំសរសេរជាភាសាផ្សេង និងដៃឆ្វេងសរសេរជាភាសាមួយផ្សេងទៀត។
គួរបញ្ជាក់ផងដែរថា នារីជនជាតិចិន មានសមត្តភាពអច្ឆរិយម្នាក់នោះ មានឈ្មោះថា ChenSiyuan វ័យ ២៤ ឆ្នាំ ជាពលរដ្ឋរស់នៅក្នុងខេត្ត Hebei ភាគខាងជើងប្រទេសចិន។ មិនត្រឹមតែប៉ុណ្ណោះ នាងក៏បានបញ្ជាក់អោយដឹងផងដែរថា សមត្តភាពពិសេសមួយនេះ វាគឺជាដុងពីកំណើត ខណៈពេលដែលវាគឺជាការទទួលបានពីឪពុកម្តាយ ជាជាងការអនុវត្តន៍។ ហើយបើនិយាយពីការសរសេរអក្សរជាភាសាពីរផ្សេងៗ ដោយដៃទាំងពីរ ព្រមៗគ្នានោះ វាមិនមានជាការងាយស្រួល និងចេះតែអាចធ្វើបាននោះទេ តែអាចនិយាយបានថា នេះគឺជាសមត្តភាពពិសេស។
គួររំឮកផងដែរថា មិត្តភក្តិរបស់នាង ក៏ធ្លាប់ព្យាយាមសាកល្បងក្នុងការធ្វើបែបនេះដែរ តែមិនបានសំរេចនោះទេ។ ដូច្នេះ ដើម្បីអោយជ្រាបកាន់តែច្បាស់ថាតើ សមត្តភាពពិសេសនៅក្នុងការសរសេរអក្សរជាពីរភាសា ដោយដៃទាំងពីរ ព្រមៗគ្នានោះ អាចធ្វើទៅបានយ៉ាងដូចម្តេចតាមដានទស្សនានូវវីដេអូឃ្លីបខ្លីខាងក្រោមនេះ បន្តិចទៅ ៖
ដោយ ៖ ពិសីប្រភព ៖ ibtimes