គំរូ chip Exynos 5450 ថ្មីនឹងអាចបំពាក់នូវ CPU Quad Core ARM Cortex-A15 រួមជាមួយក្រាហ្វិក Mali 658 ប្រាំបី Core។
តាមការប៉ាន់ស្មានរបស់ Gsmarena, គំរូ Chip ថ្មីនឹងប្រើប្រាស់ក្នុង Galaxy S IV នឹងខ្ពស់ជាងទាំង Model Tablet Nexus 10 ដែលកំពុងប្រើ (Exynos 5250 Dual Core A15 ល្បឿន 1,7 GHz និងក្រាហ្វិក Mali-604) ទៅទៀត។ ប្រភពព័ត៌មានបានឲ្យដឹងថា ដោយហេតុតែក្រាហ្វិកMali-604 មាន 4 Core ដូច្នេះ Mali-658 ប្រើនៅលើ Galaxy S IV អាចនឹងមាន 8 Core ។
គំរូ Concept មួយរបស់ Samsung Galaxy S IV
ជាមួយល្បឿន CPU និងចំនួន Core ដូច្នេះ, chip Exynos នឹងប្រើប្រាស់ថាមពលច្រើន។ បើទោះជាមនុស្សជាច្រើននាក់បានយល់ឃើញថា បញ្ហាអាចដោះស្រាយបានតាមការប្រើប្រាស់ 28 nm Exynos 5450 ជំនួសដោយ 32 nm, ទន្ទឹងនឹងបញ្ចុះល្បឿនមកត្រឹមតែ1,7 GHz ប៉ុន្តែវិធីសាស្រ្តនេះនៅមិនទាន់ល្អនៅឡើយ។
ចំណែកព័ត៌មានផ្សេងទៀតរបស់ Galaxy S IV នៅមិនទាន់ត្រូវបានបង្ហាញឲ្យដឹងនៅឡើយ។ បើតាមការប៉ាន់ស្មាន ស្មាតហ្វូន Galaxy S ជំនាន់ក្រោយនឹងត្រូវបាន Samsung បង្ហាញខ្លួននៅឆ្នាំក្រោយ៕
ដោយ៖ សិលាប្រភព៖ VE