មនុស្សយើងជីវិតមើលមិនឃើញ មានអ្នកខ្លះកើតមកក្រ ខ្លះក៏មានទ្រព្យ ខ្លះក៏គ្រប់លក្ខណៈខ្លះក៏មិនគ្រប់លក្ខណៈ ហើយខ្លះក៏លើសលក្ខណៈទៅទៀត តែរឿងនេះមិនអាចមាននរណាអាចហាមឃាត់ឬកំណត់បាននោះទេ។/ក្មេងប្រុស Tran Van Hoai អាយុ ២ ឆ្នាំជាកូនប្រុសរបស់អ្នកស្រី Ho Thi Le និងលោក Tran Van Viet រស់នៅខែត្រ Quang Nam ប្រទេសវៀតណាម បានក្លាយជាក្មេងចម្លែកម្នាក់ដែលមានជំងីចម្លែកធ្វើអោយក្បាលរបស់គេធំទៅៗ ដែលមកដល់ពេលនេះគេមានអាយុ ២ ឆ្នាំជាមួយទម្ងន់ ១៥ គីឡូក្រាមប៉ុន្តែរូបរាងស្គមដោយសារតែទម្ងន់ធ្ងន់តែក្បាលតែប៉ុណ្ណោះ។វាជារឿងគួរអោយខ្លោចផ្សាណាស់សម្រាប់ក្មេងរូបនេះដែលខ្លួនមិនអាចធ្វើអី្វបានក្រៅពីដេកនៅមួយកន្លែង ដោយសារតែក្បាលធំរបស់គេ ម្ដាយរបស់គេបានប្រាប់ថាខ្លួនពិតជាអាណិតកូនរូបនេះណាស់ហេតុនេះហើយបានជាខ្លួនខិតខំចិញ្ចឹមកូននេះមកដល់ពេលនេះទោះបីជាគេមិនមានសង្ឃឹមក្នុងការព្យាបាលបានជា ឬអាចរស់បានយូរក៏ដោយ។/ក្មេងរូបនេះវាតែងតែសម្រក់ទឹកភ្នែកទាំងគ្មានសម្លេងរាល់ពេលដែលវាបានឃើញមនុស្សចូលមកក្នុងផ្ទះកាត់មុខរបស់វា។ ម្ដាយរបស់ក្មេងកំសត់រូបនេះបានប្រាប់ថាការពិតទៅកូននេះកើតមកពីដើមឡើយគឺល្អស្អាតដូចជាគេឯងធម្មតាទេប៉ុន្តែក្រោយពេលកើតបាន ២ ខែនៅពេលដែលគេបានយកកូនទៅពិនិត្យសុខភាពនិង ចាក់ថ្នាំបង្ការ គ្រូពេទ្យបានរកឃើញថាក្នុងក្បាលរបស់ក្មេងកំសត់នេះមានដុះសាច់ចម្លែក។ម្ដាយឪពុករបស់ក្មេងនេះបានខិតខំរិះរកគ្រប់មធ្យោបាយដើម្បីព្យាបាលកូនរបស់ខ្លួនប៉ុន្តែមន្ទីរពេទ្យក្នុងតំបន់មិនអាចជួយក្មេងនេះបាននោះទេ ដូចនេះហើយពួកគេត្រូវខិតខំរកប្រាក់សន្សំទុកដើម្បីអោយកូនរបស់ខ្លូនបានទៅព្យាបាលនៅមន្ទីរពេទ្យ Da Nang នៅទីក្រុងហាណូយ៕
ដោយ៖ ម៉ូកាប្រភពពី៖ K14