ហ្វីលីពីន៖ មានប្រជាពលរដ្ឋប្រមាណជា ២៥០,០០០ នាក់ ត្រូវបានជម្លៀសចេញពីលំនៅដ្ឋាន បន្ទាប់ពីមានភ្លៀវធ្លាក់យ៉ាងខ្លំាងនៅក្នុងទីក្រុងម៉ានីល ប្រទេសហ្វីលីពីន បានជន់លិចលំនៅដ្ឋានរបស់ពួកគេ កាលពីថ្ងៃចន្ទ ម្សិលមិញ។
យោងតាមបណ្តាញសារពត៌មាន channelnewsasia បានឱ្យដឹងថា យ៉ាងហោចណាស់មានមនុស្ស ១៥នាក់ ត្រូវបានសម្លាប់ និងទ្រព្យសម្បត្តិ ជាច្រើនទៀត ត្រូវបានបំផ្លាញ ដោយសារទឹកជំនន់។
ទឹកជំនន់នេះ បានធ្វើឱ្យប្រជាពលរដ្ឋ ច្រើនជាង ៨០០,០០០នាក់ រងផលប៉ះពាល់ ជាមួយនឹងមន្ត្រីរាជការរដ្ឋាភិបាល ១៨,៦០០ នាក់ បានជម្លៀសទៅរកទីទួលសុវត្ថិភាព និងមានមនុស្សប្រមាណជា ២៣១,០០០ នាក់ទៀត បានទៅស្នាក់នៅផ្ទះសាច់ញាតិ និងមិត្តភកិ្ត៕
ដោយ៖ វណ្ណៈប្រភព៖ channelnewsasia