ថ្មីៗនេះ ក្រុមអ្នកលេងអ៊ីនធើរណែតនៅកូរ៉េខាងត្បូង មានការភ្ញាក់ផ្អើលជាខ្លាំងនៅពេលបានឃើញរូបចម្លែកៗរបស់ Park Bom (2NE1) រួមជាមួយនឹងចំណងជើងថា Park Bom ៖រូបថត Paparazzi នៅអាមេរិក។
អ្វីដែលគួរអោយជជែក នោះគឺនៅពេលគេយករូបថតបច្ចុប្បន្ន ប្រៀបធៀបជាមួយរូបកាលពីអតីតកាលរបស់ Park Bom។ រូបថតខាងឆ្វេងត្រូវបានគេជឿថា បានថតកាលពីពេល Park Bom ចេញទៅសំដែងនៅអាមេរិក ជាមួយក្រុម 2NE1។ ចំណែករូបថតខាងស្ដាំ ពិតជាមានភាពខុសគ្នា ដោយសារតែថ្ពាល់ទាំងសងខាង។
នៅពេលគេពិនិត្យអោយច្បាស់ជាងនេះ គេនឹងឃើញថា សម្រស់របស់ Park Bom មានភាពស្រស់ស្អាតជាងមុនឆ្ងាយណាស់។ នាងហាក់ដូចជាបានប្រែក្លាយមកជាមនុស្សផ្សេងម្នាក់ដូច្នោះដែរ។
ទោះជាមានគេរិះគន់ថា Park Bom មានសម្រស់ស្រស់ស្អាតគឺដោយសារការកែសម្ផស្សក៏ដោយ ក៏មានអ្នកគាំទ្រមួយចំនួនធំ និយាយថា វាមិនសំខាន់នោះទេ ការដែលនារីម្នាក់បានទៅកែសម្ផស្ស សំខាន់គឺសម្លេងរបស់នាង។ ចំណែកមនុស្សមួយចំនួនទៀត ថ្លែងថា Park Bom ពេលណាក៏ស្រស់ស្អាតនោះដែរ៕
ដោយ ៖ សូរីយ៉ាប្រភព ៖ k14