សម្ពាធឈាមទាប គឺជាជម្ងឺដែលកើតមានច្រើនចំពោះស្ដ្រីដែលមានអាយុ ២០ ទៅ ៤៩ឆ្នាំ។ ជម្ងឺនេះ ជះឥទ្ធិពលយ៉ាងខ្លាំងមកលើគុណភាពជីវិតរបស់ស្ដ្រី រួមទាំងជីវភាពផ្លូវភេទផងដែរ។
សម្ពាធឈាមត្រូវបានគេកំណត់ថា ជាកម្លាំងរុញឈាមរបស់បេះដូង។ សម្ពាធឈាមទាបនឹងមិនអាចរុញច្រានឈាមអោយទៅដល់កន្លែងឆ្ងាយពីបេះដូង កាត់បន្ថយការនាំសញ្ញាសរសៃប្រសាទ នៅពេលមានទំនាក់ទំនងផ្លូវភេទ។ ដូច្នេះ ស្ដ្រីដែលមានសម្ពាធឈាមទាប ទាមទារអោយមានការ “កំដៅសាច់” អោយបានច្រើន និងយូរជាងធម្មតា នៅពេលរួមភេទម្ដងៗ។
ស្ដ្រីមានសម្ពាធឈាមទាប តែងស្ថិតនៅក្នុងស្ថានភាពអស់កម្លាំង ដូច្នេះពួកគេមិនមានបំណងខ្លាំងក្លាក្នុងបញ្ហាផ្លូវភេទ។ ចំណង់ផ្លូវភេទថយចុះ បណ្ដាលអោយការបញ្ចេញទឹករំអិលក្នុងពេលរួមភេទក៏ត្រូវថយចុះ ពេលនោះប្រដាប់ភេទនឹងត្រូវស្ងួត ងាយបង្កការឈឺចាប់ បាត់បង់ភាពស្រើបស្រាល។
សញ្ញនៃជម្ងឺសម្ពាធឈាមទាប
សម្ពាធឈាមទាប គឺនៅពេលសម្ពាធឈាមស្ថិតក្រោម 90/60mmHg។ អ្នកជម្ងឺសម្ពាធឈាមទាបតែងមានអាការៈដូចជា ស្រវាងភ្នែក ងងឹតមុខ ងាយអស់កម្លាំង តែងមានអារម្មណ៍ថា ងងុយគេង ចង់សម្រាក ដៃជើងត្រជាក់ ពិបាកផ្ដោតអារម្មណ៍ មានបញ្ហាផ្លូវភេទ ស្បែកស្ងួត ហើយស្បែកជ្រីវជ្រួញ។ល។ ប៉ុន្ដែ សញ្ញាទាំងនេះ មិនកើតឡើងក្នុងពេលតែមួយនោះទេ អ្នកជម្ងឺគ្រាន់តែយល់ថាខ្លួនអស់កម្លាំង និងមិនបានដឹងថា ជាសញ្ញានៃជម្ងឺសម្ពាធឈាមទាបនោះទេ។
ត្រូវធ្វើបែបណាដើម្បីកែលំអសម្ពាធឈាម
សម្ពាធឈាមទាប អាចកែលំអវិញបាន ដោយរបបអាហារ ការរស់នៅនិងប្រើប្រាស់ថ្នាំជំនួយ។
ស្ដ្រីដែលមានសម្ពាធឈាមទាប គួរតែហូបប្រៃជាងមុន បែងចែកអាហារច្រើនពេល និងញ៉ាំច្រើនដងក្នុងមួយថ្ងៃ ហូបអាហារដែលមានជាតិដែក ដូចជាសាច់សុទ្ធ ថ្លើម ប៉ោម ផ្សិត អោយបានច្រើន និងហាត់ប្រាណអោយបានសមស្របនឹងកម្លាំងអោយបានទៀតទាត់៕
ដោយ ៖ សូរីយ៉ាប្រភព ៖ LD