មិនគួរអោយជឿ ៖ បើតាមការដកស្រង់សារព័ត៌មាន ដែលបានចេញផ្សាយដោយទំព័រប្លែកបរទេស ស្កាយ កាលពីពេលកន្លងទៅនេះ បានបញ្ជាក់អោយដឹងថា ឆ្កែមួយក្បាលដែលមានឈ្មោះថា Lilo ក្នុងរយៈពេលត្រឹមតែ ៩០ នាទី ក៏បានវិវត្តន៍ខ្លួន ក្លាយទៅជា ខ្លាកំណាចទៅវិញបន្ទាប់ពីម្ចាស់ របស់់វា បានយកវាទៅលាបពណ៌ នៅឯហាងឆ្កែមួយកន្លែង ដែលប្រើប្រាស់ផលិតផលល្អប្រកបទៅដោយគុណភាព។
ដោយឡែក លោក Matt Curran មកពី Gold Coast ប្រទេសអូស្រ្តាលី ដែលត្រូវជាម្ចាស់ឆ្កែមួយក្បាលនោះ បានគូសបញ្ជាក់ផងដែរថា មូលហេតុពិត ដែលគាត់បានបែកគំនិតក្នុងការធ្វើបែបនេះឡើង ក៏ព្រោះតែគាត់ចង់ធ្វើអោយ ក្មួយស្រីវ័យ ៤ ឆ្នាំរបស់ខ្លួន មានភាពភ្ញាក់ផ្អើល ក្នុងឧកាសកម្មវិធីប្រារព្ធខួបកំណើត ឈានចូលវ័យ ៤ ឆ្នាំ។ ដោយឡែក បើនិយាយពីសុពលភាព នៃការលាបពណ៌ទៅលើឆ្កែមួយក្បាលនោះ គឺទុកបានដល់ទៅ កន្លះឆ្នាំ បន្ទាប់ពីបានចំណាយពេលជាង ៩០ នាទី ក្នុងការលាបពណ៌៕
លោក Matt Curran និង Lilo
ដោយ ៖ រិទ្ធីប្រភព ៖ ស្កាយ