ចម្លែកៗ ៖ បុរសម្នាក់ ដោយមិនអាចទ្រាំបានក្នុងការទុកត្រី របស់ខ្លួនចោលនៅក្នុងផ្ទះតែឯងនោះ គាត់ក៏បានសម្រេចចិត្តនាំយកត្រីតាមខ្លួន ដោយច្រកចូលក្នុងថង់ ដាក់នៅក្នុងខោរបស់ខ្លួន ចូលទៅក្នុងប្រទេសញ៉ូវសេឡេន នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានប្លែកបរទេស ដឹមីរ័រ ។
ករណីការនាំយកត្រីចូលដោយខុសច្បាប់លើកនេះ ត្រូវបានរកឃើញ បន្ទាប់ពីគេបានឃើញតំណក់ទឹកស្រក់ចេញពីខោរបស់គាត់។ មន្រ្តីផ្លូវការ បានឃាត់ខ្លួនបុរសដែលជាជនជាតិវៀតណាមម្នាក់នេះ រួចធ្វើការសាកសួរ ដោយគាត់បានឆ្លើយអោយដឹងថា តាមពិតទៅវាគឺជាទឹកផឹកនោះទេ ក្រោយពីគាត់បានយកចេញពីយន្តហោះ មកដាក់តាមខ្លួន ព្រោះស្រែកទឹកខ្លាំងពេក។
តែក្រោយមក បន្ទាប់ពីមានការឆែកឆេរ ទើបរកឃើញថង់ប្លាស្ទិចពីរពោរពេញទៅដោយទឹកនឹងមានលាក់ទុកត្រីដល់ទៅ ៧ ក្បាលនៅក្នុងខោរបស់លោក ដោយមានការចង្អុយបង្ហាញពីជនជាប់ចោទអោយដឹងថា គាត់យកមកផ្ញើមិត្តភក្កិនៅប្រទេសនេះ។
ដោយឡែក បើយោងតាមសម្តីលោក Craig Hughes ជាអ្នកនាំពាក្យមកពី Ministry of Pri-mary Industries អោយដឹងថា ករណីនេះ ហាក់បីដូចជាការរត់ពន្ធ ក៏ដូចជានាំចូលត្រីខុសច្បាប់ចូលទៅក្នុងប្រទេសដោយចេតនា នឹងគ្មានការពិចារណាច្បាស់លាស់ ទៅនឹងសុខសុវត្ថិភាព ដោយអនុលោមទៅតាមច្បាប់ Biosecurity នោះទេ។
ពិតណាស់ វាអាចជារឿងមួយដ៏ធ្ងន់ធ្ងរព្រោះថា ត្រីនេះ អាចនឹងនាំមកនូវជម្ងឺក៏ថាបាន។ គួររំឭកផងដែរថា ញ៉ូវសេឡេន ជាប្រទេសមួយដែលមានច្បាប់តឹងរឹងជាទីបំផុត ក្នុងសកលលោក ទាក់ទិនទៅនឹងការនាំចូលសភាវៈរស់ ដោយតម្រូវអោយមានការឆ្លងកាត់និតិវិធីសត្វរស់ជាមុនសិន។
យ៉ាងណាមិញ បុរសដែលជាជនជាប់ចោទរូបនេះ ត្រូវបានផ្តន្ទាទោសពីបទ Biosecurity Actដោយប្រឈម នឹងការជាប់ពន្ធនាគារដល់ទៅ ៥ ឆ្នាំ និង ពិន័យជាសាច់ប្រាក់ ៥០, ០០០ ផោន៕
* ព័ត៌មានមួយចំនួនផ្សេងទៀត មាននៅខាងក្រោម ៖
- ផ្អើលទស្សនា ពីជុំវិញពិភពលោក វីដេអូគ្រោះថ្នាក់បំផុត ខ្វះមួយជំហានស្លាប់- តោះទៅទស្សនាវីដេអូ បែបកំប្លែង យាយពីថា ឈឺនោះឈឺ មកពីវាយចឹងតើ...- ល្បីសាជាថ្មី ក្នុងទំព័រ ហ្វេសប៊ុក វីដេអូបែបកំប្លែង ចុម ចេះដុតគ្នាឯងទៀត
ដោយ ៖ ពិសីប្រភព ៖ ដឹមីរ័រ