ចិន៖ កាលពីថ្ងៃទី៥ ខែមិថុនា មានគ្រូបង្រៀន ឪពុកម្តាយ និង ប្រជាពលរដ្ឋ១ម៉ឺននាក់បានមកជួបជុំគ្នា នៅឯវិទ្យាល័យមួយ ក្នុងឃុំMaotanchang នៅក្នុងភាគខាងកើត នៃខេត្តAnhui ប្រទេសចិន ដើម្បីតាមដានមើលសិស្សសាលាចំនួន៥០០០នាក់ ដែលបាននាំទៅកាន់ទីក្រុងLu’an ដែលមានចំងាយ៧០គីឡូម៉ែត្រ ឆ្ងាយពីកន្លែងដែលពួកគេរស់នៅ ដើម្បីធ្វើការប្រឡងចូលរៀនថ្នាក់មហាវិទ្យាប្រចាំ ដើម្បីឲ្យប្រាកដថាសិស្សទាំងអស់បានទៅកន្លែងប្រឡងនៅក្នុងទីក្រុងLu’anដោយសុវត្ថិភាព។ ពិសេស មានមន្ត្រីប៉ូលិសនៅក្នុងតំបន់ដង្ហែតាមការពារសិស្សទាំងអស់ថែមទៀតផង។
មានរថយន្តក្រុងដឹកសិស្សសាលាចំនួន៥២គ្រឿង ដែលរៀបចំឡើងដោយ សាលាជាមួយនឹងវត្តមានរថយន្តប៉ូលិស៤គ្រឿងទៀតតាមការពារ នេះជាហេតុការណ៍មួយដ៏អស្ចារ្យ និងធំបំផុតដែលតែងតែកើតឡើងជារៀងរាល់ឆ្នាំ នៅក្នុងប្រទេសចិន ពេលសិស្សបញ្ចប់ថ្នាក់វិទ្យាល័យ៕
ដោយ៖ វណ្ណៈប្រភព៖ chinabuzz