ប្លែកៗ ៖ តាមការអោយដឹងពីទំព័រសារព័ត៌មានប្លែកបរទេស spy ដែលទើបតែបានចេញផ្សាយកាលពីថ្ងៃទី២២ ខែវិច្ឆិកា ម្សិលមិញនេះ បានអោយដឹងថា ភោជនីយដ្នានមួយដែលមានឈ្មោះ'Cabbages & Condoms' ត្រូវបានបើកបំរើជូនភ្ញៀវនៅឯ Bicester, Oxfordshire, Uk ។
គួរបញ្ជាក់ផងដែរថា គ្រាន់តែឈ្មោះភោជនីយដ្ឋាន មានលក្ខណៈប្លែកបាត់ទៅហើយ (ស្ពៃក្តោប& ស្រោមអនាម័យ ) ស្របពេលអ្វីដែលជាការធ្វើអោយប្លែកអារម្មណ៍មួយផ្សេងទៀតនោះគឺថា រាល់អតិថិជន ដែលបានទទួលទាននូវបណ្តាមុខម្ហូបរបស់ខ្លួនហើយនោះ ពួកគេនឺងទទួលបានស្រោមអនាម័យដោយឥតគិតថ្លៃ។
គួររំឭកផងដែរថា 'Cabbages & Condoms គឺជាភោជនីយដា្ននម្ហូបថៃ ដែលគេឃើញមានសាខាប្រមាណជាង ៤ កន្លែងនៅក្នុងប្រទេសថៃ ហើយអ្វីដែលជាលក្ខណៈពិសេស និងប្លែកសំរាប់ភោជនីយដ្នាននោះ គឺថា ការចែកជូនស្រោមអនាម័យដោយឥតគិតថ្លៃ រាល់ពេលអតិថិជនទទួលទានអាហារចប់សព្វគ្រប់ ស្របពេលដែលនេះជាកម្មវិធីមួយក្នុងការទប់ស្តាត់ការរីកសាយភាយនៃមេរោគ HIV ៕
ដោយ ៖ ពិសិដ្ឋប្រភព ៖ spy