ប្លែកៗ ៖ ជាការពិតណាស់ នាប៉ុន្មានទសវត្សចុងក្រោយនេះ បច្ចេកវិទ្យានៅលើពិភពលោកមានការរីកចំរើនគួរអោយកត់សំគាល់ ទន្ទឹមនឹងការរីកចំរើននេះ បើយើងងាកក្រឡេកទៅមើលវិស័យសំណង់ ក៏មានការរីកដុះដាលដូចផ្សិតជុំវិញពិភពលោក ជាពិសេសតាមទីប្រជុំជន ក៏ដូចជាទីក្រុងតែម្តង។
លើសពីនេះទៅទៀត បើនិយាយពីទ្រង់ទ្រាយ ក៏ដូចជារូបរាងនៃសំណង់អាគារទាំងអស់នោះគឺវាមានភាពប្លែក និងច្នៃប្រឌិត ដែលមានពេលខ្លះនោះ វាមើលទៅមិនដូចជាសំណង់អាគារថែមទៀតផង។ ដូច្នេះ សូមធ្វើការតាមដានទស្សនានូវបណ្តារូបភាព ដែលជាសំណង់អាគារប្លែកៗរបស់ពិភពលោកបន្តិចទៅ៖
Hotel Of Doom ជាសណ្ឋាគារ ដែលបានឈរសំកាំងខ្លួននៅក្រុង ព្បុងយ៉ាង ប្រទេសកូរ៉េខាងជើង គ្រៀងនឹងបើកដំណើរការជាផ្លូវការនាពាក់កណ្តាលឆ្នាំ ២០១៣ ស្របពេលដែលវាមានដល់ទៅ ១០៥ ជាន់ ហើយនឹងអាចក្លាយជាសណ្ឋាគារ ដែលមានកំពស់ខ្ពស់ជាងគេលើលោក។
The Indira Gandhi Planetarium ៖ តិចច្រឡំថាវាសំកាំងខ្លួននៅពិភពខាងក្រៅទៅ តាមពិតវាកំពុងតែឈរបង្អួតរាង នៅក្នុងប្រទេសឥណ្ឌា បន្ទាប់ពីបានបើកដំណើរការជាផ្លូវការ កាលពីឆ្នាំ ២០០៣ ។
National Fisheries Development Board Building ៖ ជាសំណង់អាគារដែលដើរតួយ៉ាងសំខាន់ក្នុងកិច្ចការបុព្វហេតុជលផល ខណៈពេលដែលវាបានបើកដំណើរការតាំងពីដើមឆ្នាំនេះអំឡុងខែកុម្ភៈ ស្របពេលដែលវាជាទីទាក់ទាញ ដល់ភ្ញៀវទេសចរដែលមកដល់ប្រទេសឥណ្ឌា
ទាយទៅមើលថាតើ អាគារនេះ មានឈ្មោះអ្វី ? ងាយស្រួលនោះទេ គ្រាន់តែឃើញរូបរាងក៏អាចស្មានដឹងបាត់ទៅហើយ ពោលគឺ វាមានឈ្មោះថា អាគារដំរី ស្របពេលដែលវាជាអាគារមួយដែលស្ថិតនៅក្នុងប្រទេសថៃ។
សំណង់អាគារ ដែលមានឈ្មោះថា Aldar ដែលមានទីតាំងនៅក្នុងក្រុង អាប៊ូដាប៊ី នាឯ សហព័ន្ធអារ៉ាប់អេមេរីត ខណៈពេលដែលវាមានកំពស់ខ្ពស់សមល្មម ស្របពេលដែលមាន ២៣ ជាន់............
រង់ចាំតាមដានទស្សនានូវបណ្តារូបភាព ដែលជាសំណង់អាគារប្លែកៗ នាថ្ងៃស្អែកទាំងអស់គ្នាណា គិតសិនទៅមើលថាតើ វាអាចនឹងស្ថិតនៅក្នុងប្រទេសណា?? ដូច្នេះ មានតែថ្ងៃស្អែកនោះទេ ដែលអាចជួយដោះស្រាយចម្ងល់មួយនេះ .........
ដោយ ៖ ពិសីប្រភព ៖ style