iPhone កំពុងតែចាប់ផ្តើម បាត់បង់ទីផ្សារភាគហ៊ុននៅប្រទេសចិន។ តាមប្រភពពីក្រុមហ៊ុនស្រាវជ្រាវ Canalys, Smartphone របស់ Apple ដណ្តើមបានទីផ្សារភាគហ៊ុនប្រហែល 5% ក្នុងត្រីមាសទី II ទើបកន្លងទៅនេះ គឺថយពីចំនួន 9% បើប្រៀបជាមួយឆមាសមុន។
គេហទំព័រ PhoneArena បានឲ្យដឹងថា 5% គឺជាកំរិតទីផ្សារភាគហ៊ុនទាបជាងគេបំផុតរបស់ Appleនៅប្រទេសចិន គិតចាប់ពីឆមាសទី IV ឆ្នាំ 2010 មក។ សព្វថ្ងៃ Samsung កំពុងឈរលំដាប់លើគេជាមួយទីផ្សារភាគហ៊ុន 18% ។ ដោយសារតែមានការ Support ពីបណ្តាប្រព័ន្ធទូរស័ព្ទចល័តដូចជា China Unicom បណ្តាគំរូស្មាតហ្វូនស៊េរីមធ្យម និងទាបរបស់ ZTE និង Lenovo កំពុងតែដណ្តើមបានទីផ្សារភាគហ៊ុនច្រើនជាង Apple។ ជាក់ស្តែងបរិមាណលក់ចេញរបស់ Xiaomi នៅក្នុងត្រីមាសទី II ក៏ទើបតែយកឈ្នះ iPhone ដែរ ហើយលោតឡើងឈរនៅចំណាត់ថ្នាក់ទី 6 គឺឡើងបានពីរថ្នាក់បើប្រៀបជាមួយឆមាសមុន។
អ្នកជំនាញស្រាវជ្រាវទីផ្សាររបស់ក្រុមហ៊ុន Canalys, លោក Nicole Feng បានឲ្យដឹងថា បញ្ហារបស់ Apple គឺ iPhone លែងសមស្របជាមួយទីផ្សារប្រទេសចិនទៀតហើយ។ តម្រូវការរបស់ទីផ្សារនេះ គឺមានច្រើនជាមួយ បណ្តាស្មាតហ្វូនស៊េរីទាប និងស៊េរីមធ្យម៕
ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត សូមចុចត្រង់នេះ !!!
ដោយ៖ សិលាប្រភព៖ VReview