ស្ទើរតែមិនគួរអោយជឿ ៖ អត្ថបទសារព័ត៌មាន ក៏ដូចជាវីដេអូសារព័ត៌មានខាងក្រោមនេះ បានក្លាយជាបេក្ខភាពព័ត៌មាន ដែលមានអ្នកចូលទស្សនាច្រើនបំផុត នៅក្នុងគេហទំព័រ សារព័ត៌មានបរទេស ដេលីម៉ែល មិនត្រឹមតែប៉ុណ្ណោះ ទំព័រសារព័ត៌មានពិភពលោកផ្សេង ទៀត ក៏បានចាប់អារម្មណ៍ចុះផ្សាយព័ត៌មានមួយនេះ នៅលើទំព័រមុខរបស់ខ្លួនផងដែរ ពោលគឺ ស្តីពីអត្ថបទសារព័ត៌មាន ក្រុមគ្រួសារប្រេស៊ីល មួយគ្រួសារដែលពិតជាហ៊ាន ហួស ខណៈពេលដែលអនុញ្ញាត អោយក្រុមខ្លាកំណាចធំៗដល់ទៅ ៧ ក្បាលរស់នៅជា មួយ។
ដោយនៅក្នុងនោះ មានលោក Ary Borges ជាមេគ្រួសារផងដែរ ។ ជាការពិត ក្រុមមនុស្សជាច្រើននៅពេលដែលបានដឹងឭរឿងមួយនេះហើយ ពួកគេបានលាន់មាត់ព្រមៗគ្នាថា ហេតុអីក៏ហ៊ានដល់ថ្នាក់នេះ ពិតណាស់ ប្រភេទសត្វមួយនេះ ពិតជាមានគ្រោះថ្នាក់ខ្លាំងណាស់។
ជាមួយនឹងការឆ្លើយតបអ្វីដែលជាចម្ងល់ខាងលើ លោក Borges មិនត្រឹមតែមានការបញ្ជាក់អះអាងថា ក្រុមគ្រួសារលោកមិនខ្លាចនោះទេ តែមានពេលមួយនោះគាត់ក៏បានអនុញ្ញាតអោយយកចៅស្រីទៅជិះលើខ្នងវាលេងថែមទៀតផង។ លោក Borges បានគូសបញ្ជាក់អោយដឹងថា ពិតណាស់ ពួកយើងពិតជាបានដឹងថា វាគឺជាពូជសត្វដែលមានគ្រោះថ្នាក់ពិតប្រាកដមែន តែបើសិនណាយើងបង្ហាញនូវសណ្តានចិត្តល្អ និងការគោរពស្រឡាញ់ដាក់វានោះ វានឹងឆ្លើយតបនូវតម្រូវការរបស់លោកអ្នក ដោយនឹងបង្ហាញនូវសកម្មភាពហានិភ័យអ្វីនោះទេ។
គួរបញ្ជាក់ផងដែរថា សមាជិកក្រុមគ្រួសារលោក Borges ដែលនៅក្នុងនោះរួមមានដូចជាកូនប្រុសស្រី ៣ នាក់ ឈ្មោះ Nayara វ័យ ២០ Uyara វ័យ ២៣ ឆ្នាំ និង Deusaniraវ័យ ២៤ ឆ្នាំ ពួកគេទាំងអស់គ្នា ក៏មានអន្តរកម្មយ៉ាងជិតស្និទ្ធជាមួយខ្លាកំណាចទាំង ៧ ក្បាល ដែលកំពុងតែរស់នៅក្នុងផ្ទះរបស់ពួកគេផងដែរ។
គួររំឭកផងដែរថា Uraya ដែលត្រូវជាកូនស្រីលោក Borges សព្វថ្ងៃនាងជាគ្រូបង្ខឹកសត្វសុនខ នាងពិតជាសប្បាយចិត្តជាខ្លាំង នៅពេលដែលបានឃើញកូនស្រីតូចរបស់ខ្លួន Rayara អាចមានទំនាក់ទំនងជាមួយនឹងពពួកខ្លាទាំងនោះ។
ប្រភពសារព័ត៌មានដដែលបន្ថែមថា មូលហេតុដែលនាំអោយក្រុមគ្រួសារមួយនេះ បានចាប់ផ្តើមស្រឡាញ់និងចូលចិត្តចិញ្ចឹមសត្វខ្លាកំណាចទាំងនេះ ក៏ព្រោះតែកាលពីអំឡុង៨ ឆ្នាំមុន លោក Borges បានជួយសង្គ្រោះសត្វខ្លាពីរក្បាល ពីកន្លែងលេងសៀកមួយកន្លែង យកមកចិញ្ចឹម។ ដោយឡែក មកទល់នឹងខណៈនេះ លោក Borges ក៏កំពុងតែមានគំរោងសាងសង់នៅសួនឧទ្យានតូចល្មមផ្ទាល់ខ្លួនមួយ នៅឯផ្ទះរបស់លោកដោយមានទីតាំងនៅជិតក្រុង Sao Paulo ប្រទេសប្រស៊ីល ខណៈពេលដែលមានការហាមឃាត់ជារឿយៗ ពីសំណាក់ក្រុមមន្រ្តីមានសមត្តកិច្ច ថាគាត់ពិតជាគ្មានច្បាប់ត្រឹមត្រូវក្នុងការអនុញ្ញាតអោយចិញ្ចឹមសត្វទាំងនេះ នៅក្នុងផ្ទះយ៉ាងដូច្នេះនោះទេ៕
* ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖
- បេក្ខភាព បុរសមានគីឡូធ្ងន់បំផុតលើលោក សម្រក់ទម្ងន់បានជាង ៣០០ គ.ក រកស្នេហឃើញ តាមហ្វេសប៊ុក
- ផ្អើលមើលវីដេអូ គ្រោះថា្នក់ព្រឺក្បាល រថយន្តទំនើប Lamborghini បុកដាច់ខ្លួន មួយកំណាត់
- កិច្ចប្រជុំកំពូល មហាសន្និបាទអង្គការសហប្រជាជាតិ លើកទី ៦៨ បានចាប់ផ្តើមហើយ
- ឆោឡោ ពេញមួយយន្តហោះ ខណៈប្រទះ ឃើញពស់មួយក្បាល
- តោះទៅមើល បណ្តារូបភាព រណ្តៅស្រុត ដ៏គួរអោយរន្ធត់បំផុត មកពីជុំវិញ ពិភពលោក- វីដេអូកំប្លែង កំពូលបងធំ ក្នុងពិភពគុណ មានប្រតិកម្ម ពេលកំពុងចាក់សាក់ ហេ ហេ ហេ...- ឌឺ ៩ វីដេអូកំប្លែង នៅពេលបុរសនិនចា លេងវាយកូនហ្គោល ម៉េចវិញ ហេ ហេ ហេ...
* ព័ត៌មានកំសាន្តចាប់អារម្មណ៍ផ្សេងទៀត សូមចុចនៅទីនេះ ៕
ដោយ ៖ រិទ្ធីប្រភព ៖ ដេលីម៉ែល