បើទោះជាចង់ក្លាយជាតារាទូរទស្សន៍ដំបូងដែលត្រូវបានកត់ឈ្មោះចូលក្នុងបញ្ជី Hollywood Walk of Fame ប៉ុន្ដែ Kim Kardashian ត្រូវបានអង្គការនេះបដិសេធ។
កាលពីពេលថ្មីៗនេះ Kim Kardashian បានបង្ហើបអោយដឹងថា នាងចង់ក្លាយជាតារាទូរទស្សន៍ដំបូងដែលត្រូវបានកត់ឈ្មោះចូលក្នុងបញ្ជី Hollywood Walk of Fame (អង្គការមួយដែលមានតួនាទីលើកដំកើង តារាដែលបានរួមចំណែកក្នុងវិស័យកំសាន្ដនៅ Hollywood)។ ប៉ុន្ដែ បើតាមទំព័រ Hollywood Reporter បានចេញផ្សាយថា អ្នកតំណាងនៃការិយាល័យពាណិជ្ជកម្មរបស់ Hollywood Walk of Fame ថ្លែងថា Kim Kardashian នៅមិនទាន់មានលក្ខណៈគ្រប់គ្រាន់ដើម្បីដាក់ពាក្យសុំផ្កាយមួយដួង នៅលើ Hollywood Walk of Fame នោះទេ។
អ្នកតំណាងរបស់ Hollywood Walk of Fame បានបកស្រាយថា ៖ តារាដែលអាចត្រូវបានទទួលផ្កាយមួយពី Hollywood Walk of Fame គឺគេត្រូវតែធ្លាប់ទទួលបានពានរង្វាន់ធំៗ ដូចជាEmmy, SAG, Oscar នៅក្នុងវិស័យទូរទស្សន៍ ឆាកសំដែង ឬខ្សែភាពយន្ដ។ ក្រៅពីនេះពួកគេត្រូវតែមានបទពិសោធក្នុងការសំដែងចាប់ពី ៥ឆ្នាំឡើងទៅ។
គួររំលឹកថា កំពូលតារាដែលធ្លាប់ទទួលបានផ្កាយរបស់ Hollywood Walk of Fame មានដូចជា Charlie Chaplin, Nicole Kidman, Lauren Bacall, David Bowie ។ល។
កំពូលតារាកំប្លែង Charlie Chaplin
ដោយ ៖ សូរីយ៉ាប្រភព ៖ zing