កោះមូលគឺជាកោះមួយដែលធំជាងគេបង្អស់នៅក្នុងព្រះរាជាណាចក្រកម្ពុជា មានបណ្ដោយ២២គ.ម និងទទឹង៧គ.ម។ កោះនេះមានទីតាំងស្ថិតនៅក្នុងស្រុកកោះកុង ខេត្តកោះកុង មានចម្ងាយ២៤គ.មពីទីរួមខេត្តកោះកុងតាមផ្លូវសមុទ្រ។
កោះមូលមានកម្ពស់៣៥០ម បើប្រៀបធៀបទៅនឹងនិវោទឹកសមុទ្រ។ នៅលើកោះនេះមានកូនភ្នំជាច្រើនដែលពោរពេញទៅដោយទេសភាពធម្មជាតិ។ កោះកុងក្រៅមានទឹកធ្លាក់ជាង១០ កន្លែងដែលមានកម្ពស់ ៦ទៅ២៥ម។
ក្រៅពីទឹកធ្លាក់កោះមូលមានឆ្នេរខ្សាច់៦កន្លែងទៀត ដែលមានបណ្ដោយពី៣០០០ម ទៅ ៥០០០ម។ ឆ្នេរទាំងនេះគេអោយឈ្មោះថា ឆ្នេរដើមដូងទីមួយដល់ឆ្នេរដើមដូងទីប្រាំមួយដែលមានឆ្នេរខ្សាច់ស ក្បោះនិង ទឹកថ្លាអាចឆ្លុះដល់បាតខ្សាច់បាន។
នៅជុំវិញកោះមូលនៃឆ្នេរទាំងប្រាំមួយមានសត្វផ្សោតសមុទ្រជាច្រើន មកហែលប្រលែងលេងនឹងឆ្នេរខ្សាច់ទាំងនោះ គឺពេលព្រឹកចាប់ពីម៉ោង៩ដល់ ម៉ោង ១០: ៣០និងពេលល្ងាច ចាប់ពីម៉ោង ១៥ដល់ ម៉ោង១៧។ សត្វផ្សោតទាំងនេះមានពីរប្រភេទ គឺពណ៏ស និងពណ៏ខ្មៅ៕
ដោយ ៖ សូរីយ៉ាប្រភព ៖ VY