ស្រីស្អាតកូរ៉េចូលចិត្ត ដាក់លុយចូលក្នុងខោអាវក្នុង

នៅក្នុងកម្មវិធីមួយលើប៉ុស្តិ៍ tvN កាលពីខែវិច្ឆិកាកន្លងទៅនេះ ស្រីស្អាតម្នាក់បានបង្ហើបឲ្យដឹងថានាងមិនចំណង់ចំណូលចិត្តដាក់លុយតាមខ្លួន គ្រប់ពេល គ្រប់ទីកន្លែង សូម្បីតែពេលគេង រឺពេលកំពុងហាត់ប្រាណ។

ស្រីស្អាតម្នាក់នេះបានចែករំលែកឲ្យដឹងថា: “ព្រោះតែស្រលាញ់លុយខ្លាំង ខ្ញុំតែងតែញាត់លុយ10.000 won (ប្រហែល $10) ចូលក្នុងខោអាវក្នុងជានិច្ច ដែលពេលខ្លះខ្ញុំក៏បានឃើញលុយនៅក្នុងម៉ាស៊ីនបោកខោអាវថែមទៀតផង”។

ក្រៅពីនេះ  “ស្រីស្អាតស្រលាញ់លុយ” រូបនេះក៏មានទម្លាប់គូសសញ្ញានៅលើលុយរបស់ខ្លួនពណ៌ក្រហមៗថែមទៀតផង។ នាងឲ្យដឹងថា: “ការធ្វើដូច្នេះ ដើម្បីឲ្យដឹងថាជាលុយរបស់ខ្ញុំ។ខ្ញុំតែងតែជឿថា បើទោះជាខ្ញុំចាយលុយនោះហើយក៏ដោយ នៅថ្ងៃណាមួយវានឹងត្រលប់មករកខ្ញុំវិញមិនខាន”។

ពេលដែលអ្នករៀបចំកម្មវិធីចុះទៅដល់ផ្ទះរបស់ស្រីស្អាតចម្លែកនេះ ម្នាក់ៗសុទ្ធតែមានការភ្ញាក់ផ្អើល នៅពេលដែលបានឃើញស្ទើរនៅគ្រប់ទីកន្លែងក្នុងផ្ទះរបស់នាង សូម្បីតែនៅក្នុងខ្នើយកើយក៏មានញាត់លុយចំនួន 10.000 won ដែរ។

ពេលសួរ នាងបានស្រាយបញ្ជាក់ថា: “ការដែលញាត់លុយចូលក្នុងខ្នើយកើយ គឺដើម្បីឲ្យពេលគេងទៅបានស្រង់ក្លិនលុយ ដូច្នេះទើបខ្ញុំមានអារម្មណ៍ស្រួលខ្លួន។ មិនតែប៉ុណ្ណោះ លុយទាំងនោះ វាក៏មានក្លិនក្រអូបរបស់មនុស្ស ដូចជាក្រដាស 50.000 won គឺមានក្លិនរបស់អ្នកស្រី Shin Saimdang (ក្រដាស 50.000 won មានរូបអ្នកស្រី Shin Saimdang នៅលើលុយនេះ) ៕

ដោយ៖ សិលាប្រភព៖ 24