ស៊ីរី៖ តាមសេចក្ដីរាយការណ៍ក្នុងស្រុករបស់ប្រទេសស៊ីរី កាលពីថ្ងៃទី ២៧ សីហា ម្បិលមិញនេះបានអោយដឹងថា ឧទ្ធម្ភាគចក្រមួយគ្រឿងរបស់កងទ័ពលោក Bashar Al-Assad ត្រូវបានឆេះ ខណៈដែលមានការប៉ះទង្គិចគ្នាមួយ នៅជិតទីក្រុង Damascus ។
បើតាមកាអោយដឹង ពីក្រុមអ្នកអង្កេតការណ៍សិទ្ធិមនុស្សរបស់អង់គ្លេស ប្រចាំនៅស៊ីរីបានអោយដឹងថា ការប៉ះទង្គិចគ្នារវាងកងទ័ពលោក Assad និងក្រុមអ្នកប្រឆំាងរបបលោក Assad បានអូសបន្លាយជាច្រើនសបា្ដហ៍មកហើយ នៅជិតទីក្រុង Damascus នេះ។ ចំនួនអ្នកស្លាប់ក៏កាន់តែច្រើនឡើងៗផងដែរ។
ទោះបីជាយ៉ាងណាក៏ដោយ ក៏គេមិនទាន់ដឹងថា ការធ្លាក់ឧទ្ធម្ភាគចក្រ របស់កងទ័ពលោកAssad បណ្ដាលមកពីមូលហេតុអ្វីដែរ។ ស្របជាមួយគ្នានេះផងដែរ លោកប្រធានាធិបតីបារាំង Francois Hollande ក៏បានព្រមានដល់លោក Assad ផងដែរ នៅការប្រើបា្រស់សព្វាវុធដែលមានសារធាតុគីមី។ នេះជាវីដេអូក្លីប បង្ហាញពីការធ្លាក់ឧទ្ធម្ភាគចក្រ សូមចុចដើម្បីមើល៕
ដោយ៖ រក្សាប្រភព៖ dailymail