អន្តរជាតិ ៖ បើតាមការអោយដឹងពីគេហទំព័រសារព័ត៌មានបរទេស ដែលទើបតែបានចេញផ្សាយនាពេលកន្លងទៅ បានអោយដឹងថា កងវិលយក្ស ដែលមានកំពស់ខ្ពស់ជាងគេលើលោក នឹងសំកាំងខ្លួន នៅក្នុងបុរីញ៉ូវយ៉ក នាប៉ុន្មានឆ្នាំខាងមុខនេះ។
លើសពីនេះទៅទៀត បើយោងតាមសម្តីផ្ទាល់ពីចៅហ្វាយក្រុង លោក Michael Bloomberg បានបញ្ជាក់បន្ថែមអោយដឹងផងដែរថា គំរោងក្នុងការសង់សង់កងវិលយក្ស ដែលមានកំពស់ខ្ពស់ជាងគេនៅលើលោកយើងមួយនេះ គ្រោងនឹងចំនាយថវិការប្រមាណជាង ២៣០ លានដុល្លារ ហើយវាត្រូវបានរកអោយឃើញថា មានរយៈកំពស់ដល់ទៅ ១៩០ ម៉ែត្រឯណោះ។
ចៅហ្វាយក្រុងញ៉ូវយ៉ក លោក Michael Bloomberg ក្នុងឧកាសបង្ហាញពីគំរោងដ៏អស្ចារ្យមួយនេះ
មិនត្រឹមតែប៉ុណ្ណោះ របាយការណ៍ដដែល បានបន្ថែមអោយដឹងផងដែរថា កងវិលយក្សមួយនេះ ត្រូវបានគេរចនាឡើងដែលអាចផ្ទុកមនុស្សបានដល់ទៅ ១,៤៤០ នាក់ ហើយវាត្រូវបានគេរំពឹងថា នឹងសាងសង់រួចជាស្ថាពរមុនដំណាច់ឆ្នាំ ២០១៥ ស្របពេលដែលវាអាចនឹងទាក់ទាញភ្ញៀវទេសចរមកពីជុំវិញពិភពលោក ប្រមាណ ៤,៥ លាននាក់ក្នុងមួយឆ្នាំៗ ៕
ដោយ ៖ ពិសីប្រភព ៖ Skys