ប្លែកៗ៖ នៅពេលដែលគេបង្ហាញរូបភាពវីដេអូ នៃជាងសំណង់ម្នាក់ ដែលមិនមានការស្ទាក់ស្ទើរអីសោះ ក្នុងការចាប់ខ្សែយោងបន្ដទៅជាន់មួយទៀត ក្នុងអាគារ តែខ្សែបែរជាធ្លាក់មកក្រោមដោយនាំទាំងជាងនោះ មកលើដីលឿនស្លេវ គឺបានធ្វើអោយមនុស្សជាច្រើនមានការបុកពោះជាខ្លាំង ហើយបានរិះគន់ បុរសដែលជាជាងសំណង់នោះ ផងដែរ។
ក្នុងវីដេអូបានបង្ហាញថា ដំបូងឡើយ គេឃើញបុរសនោះ កំពុងលាយខ្សាច់ តែក្រោយមក ទំនងជាគាត់ត្រូវឡើងទៅយកអី នៅជាន់លើ (ជាន់ទី ៣)ក្នុងអាគារ គាត់ក៏ឡើងតាមជណ្ដើរភ្លាម តែជណ្ដើរបានត្រឹមតែជាន់ទី ២ គាត់មិនបានគិតអីយូរឡើយ គឺហក់ចាប់ខ្សែយោងភ្លាមដើម្បីបន្ដទៅជាន់ទីបី។ តែវាមិនមែនជាន់ទីបីឯណា គឺវាជាជាន់ផ្ទាល់ដីទៅវិញ។
យ៉ាងណាក៏ដោយ បុរសនេះ មិនមានគ្រោះថ្នាក់ដល់ជីវិតទេ ព្រោះគាត់ធ្លាក់មកចាំលើគំនរដីខ្សាច់ សម្រាប់សាងសង់អាគារ។ ទោះបីជាយ៉ាងណាក៏ដោយ គេមិនបានប្រាប់ពីអត្ដសញ្ញាណបុរសនោះ និងកន្លែងកើតហេតុទេ។ ជាមួគ្នានេះផងដែរ យើងក៏សំណូមពរអោយបងប្អូនដែលធ្វើការ ជាជាងសំណង់ទាំងឡាយ ត្រូវតែមានការប្រុងប្រយ័ត្ន ហើយកុំមានការធ្វេសប្រហែស ដូចបុរសម្នាក់នេះអី។ នេះជាវីដេអូឃ្លីប សូមចុចដើម្បីមើល៕
ដោយ៖ រដ្ឋាប្រភព៖ dailymail