អន្តរជាតិ ៖ បើតាមការអោយដឹងពីគេហទំព័រសារព័ត៌មានបរទេស ដែលបានទើបតែបានចេញផ្សាយនាពេលថ្មីៗនេះ បានអោយដឹងថា បុរសវ័យ ២៤ ឆ្នាំម្នាក់ ដែលជាជនជាតិអេហ្ស៊ីបត្រូវបានរកអោយដឹងឃើញថា បានបំបែកឯតទគ្គកម្មពិភពលោក ដោយសារតែគាត់មានសាច់ដុំដើមដៃដល់ទៅ ៣១ អ៊ឹង (inch) ឯណោះ ។
គួរបញ្ជាក់ផងដែរថា បុរសវ័យ ២៤ ឆ្នាំរូបនោះ មានឈ្មោះថា Moustafa Ismail ហើយអ្វីដែលរិតតែប្លែកអស្ចារ្យនោះគឺថា គាត់ត្រូវបានគេផ្តល់រហស្សនាមថ្មីមួយទៀតនោះគឺ បុរស Popeye ខណៈពេលដែលសាច់ដុំដើមដៃរបស់គាត់មានទំហំដល់ទៅ ៣១ អ៊ឹង (inch) ឯណោះ ស្របពេលដែលទំហំនេះផ្ទាល់ គឺជាតួលេខទូទៅនៃចង្កេះខោរបស់មនុស្សប្រុសពេញវ័យ។
គួររំឮកផងដែរថា លោក Ismail គឺជាបុរសម្នាក់ដែលចូលចិត្តទៅនឹងការហាត់ប្រាណ យ៉ាងខ្លាំងស្របពេលដែលមកទល់នឹងពេលនេះ គាត់អាចលើករបស់អ្វីមួយដែលមានទម្ងន់ដល់ទៅជាង ២២៦ គីឡូ ឯណោះ។ ដើម្បីអោយជ្រាបកាន់តែច្បាស់ថាតើ បុរស Popeye មានដើមដៃធំកំរិតណានោះ សូមតាមដានទស្សនានូវវីដេអូឃ្លីបខ្លីខាងក្រោមនេះបន្តិចទៅ ៖
ដោយ ៖ មង្គលប្រភព ៖ Spy