ប្រទេសកូរ៉េខាងត្បូង មានអ៊ីនធើណេត ល្បឿនលឿនជាងគេ ក្នុងពិភពលោក

Akamai បោះពុម្ភផ្សាយ របាយការណ៍ អ៊ីនធឺណិតប្រចាំ ត្រីមាសរបស់ខ្លួន នៅថ្ងៃអង្គារទី ២៣ ខែមេសា ដែលគ្របដណ្តប់លើ ល្បឿន អ៊ីនធឺណេតសកល និងសន្ដិសុខអ៊ីនធឺណេត ពីត្រីមាស ចុង ក្រោយនៃឆ្នាំ ២០១២។

ប្រទេសកូរ៉េខាងត្បូង នៅតែជាមេដឹកនាំ នៅក្នុងលក្ខខណ្ឌ នៃល្បឿនអ៊ីនធឺណិត ដែលមាន ល្បឿនតភ្ជាប់ ជាមធ្យម14 Mbps នេះបើយោងតាម ទីភ្នាក់ព័ត៌មាន TechCrunch បានរាយការណ៍។

ចំណាត់ថ្នាក់លេខ ២ គឺប្រទេសជប៉ុន ដែលមានអ៊ីធើណេតល្បឿន ជាមធ្យម ១០.៨ Mbps។ លេខ៣ ហុងកុង ល្បឿនជា មធ្យម ៩.៣ Mbps។ លេខ៤ ប្រទេស Latvia ល្បឿនអ៊ីធើណេត មធ្យម ៨.៩ Mbps។ លេខ ៥ ប្រទេស ស្វីស ល្បឿនអ៊ីធើណេតមធ្យម ៨.៧ Mbps។

លេខ៦ ប្រទេសហូឡង់ ល្បឿនអ៊ីធើណេតមធ្យម ៨.៦ Mbps។លេខ៧ សាធារណៈរដ្ឋឆេក ល្បឿនអ៊ីធើណេតមធ្យម ៨.១ Mbps។ លេខ៨សហរដ្ឋអាមេរិក ល្បឿនអ៊ីធើណេតមធ្យម ៧.៤ Mbps ។ លេខ ៩ ប្រទេសស៊ុយអ៊ែត ល្បឿនអ៊ីធើណេតមធ្យម ៧.៣ Mbps និងចំណាត់ថ្នាក់លេខ ១០ ប្រទេសហ្វាំងឡង់៕

ផ្តល់សិទ្ធិដោយ៖ ដើមអំពិល