គួរយល់ដឺង ៖ បើយោងទៅតាមការសិក្សាស្រាវជ្រាវរបស់ប្រទេសស៊ុយអែត បានអោយដឹងថា ចំពោះបុគ្គលរួបណាដែលចូលចិត្តញ៉ាំស្ករសូកូឡាច្រើន នោះពួកគេនឹងមានអត្រាទើបបំផុតក្នុងការធ្វើអោយមានជម្ងឺដាច់សរសៃឈាមក្នុងខួរក្បាល។
ការអះអាងនេះត្រូវបានធ្វើទៅបាន ក្រោយពីមានការការសិក្សាស្រាវជា្រវ ក៏ដូចជាវាស់ស្ទង់មតិស្រ្តីដល់ទៅ 33,000 នាក់និងបានរកឃើញថា ក្នុងចំណោមអ្នក ដែលចូលចិត្តញ៉ាំស្ករសូកូឡាច្រើន ពួកគេមិនសូវមានសញ្ញាណណាមួយ ក្នុងការកើតជម្ងឺដាច់សរសៃឈាមក្នុងខួរក្បាលនោះទេ បើធៀបទៅនឹងស្រ្តីផ្សេងៗទៀត។
លើសពីនេះទៅទៀត បើយោងទៅតាមសម្តីរបស់លោកវេជ្ជបណ្ឌិតម្នាក់មានឈ្មោះថា Susanna Larsson ដែលបានមកពីមន្ទីរស្រាវជ្រាវ Karolinska នាទីក្រុង Stockholm ប្រទេស ស៊ុយអែត បានប្រាប់ដល់ភ្នាក់ងារសារព័ត៌មាន Reuters អោយដឹងថា ៖ ក្រោយពីមានការតាមដានទៅលើបញ្ហាមួយនេះ ពោលគឺក្រោយពីមានការសិក្សាស្រាវជ្រាវ បានអោយដឹងថា ចំពោះបុគ្គលមួយណាក៏ដោយ អោយតែចូលចិត្តញ៉ាំស្ករសូកូឡាច្រើន នោះវានឹងអាចជួយលោកអ្នកក្នុងការបង្ការការកើតជម្ងឺដាច់សរសៃឈាមនៅក្នុងខួរក្បាល។
ផ្ទុយទៅវិញ ស្ករសូកូឡាវាពិតជាមានអត្ថប្រយោជន៍ចំពោះសុខភាពមែន បើកាលណា លោកអ្នកទទូលទានវាមានកំណត់ តែប្រសិនណា បើលោកអ្នកទទួលទានវាហួសកំរិតនោះ វានឹងអាចបង្កជាហានិភ័យផ្សេងៗចំពោះសុខភាព។
គួរបញ្ជាក់ផងដែរថា ដោយយោងទៅតាមវេជ្ជបណ្ឌិតរូបនេះដដែល បានបន្ថែមអោយដឹងថា នៅក្នុងស្ករសូកូឡាវាមានរសជាតិម៉្យាងដែលមានសារៈសំខាន់បំផុត ពោលគឺ វាអាចជួយបង្ការសំពាធឈាមមិនអោយកើនខ្ពស់ , ជួយបង្ការមិនអោយមានជម្ងឺដាច់សរសៃឈាមនៅក្នុងខួរក្បាល ក៏ដូចធ្វើអោយសុខភាពបេះដូងដំណើរការទៅបានល្អផងដែរ។
ទន្ទឹមនិងពេលនេះដែរ ដោយយោងទៅតាមដំបូន្មានរបស់លោកវេជ្ជបណ្ឌិតបានណែនាំផងដែរថាដើម្បីជាអត្ថប្រយោជន៍ចំពោះសុខភាព ពោលគឺធ្វើអោយសុខភាពល្អនោះ លោកអ្នកត្រូវប្រាកដអោយបានថា បានធ្វើលំហាត់ប្រាណជាទៀងទាត់ បោះបង់ទម្លាប់ជក់បារី ក៏ដូចជាទទួលទានស្រានិងទទួលទានអាហារណាដែលមានជីវជាតិបំប៉នខ្ពស់ជាដើម៕
ដោយ ៖ មង្គលប្រភព ៖ yourhealth