មិនគួរអោយជឿ ៖ ប្រកាសលក់ប្តី តាមអ៊ិនធើណេត បន្ទាប់ពីរកអោយឃើញថា គាត់បានផិតក្បត់ ? តាមពិតទៅ ស្រ្តីសុំមិនបញ្ជេញអត្តសញ្ញាណ ជនជាតិកាណាដាម្នាក់ មិនបានប្រកាសលក់ប្តីជាសាធារណៈនោះទេ តែនាងគ្រាន់តែប្រកាសលក់ជាសាធារណៈនូវរបស់របរប្រើប្រាស់ទាំងអស់ របស់ស្វាមីខ្លួន បន្ទាប់ពីនាងរកអោយឃើញថា គាត់មានចិត្តមិនស្មោះត្រង់ពោលគឺ លួចមានស្រីកំណាន់ នេះបើតាមការអោយដឹងពីគេហទំព័រសារព័ត៌មានបរទេសspyដែលទើបតែបានចេញផ្សាយកាលពីពេលកន្លងទៅនេះ ។
លើសពីនេះទៅទៀត បើយោងតាមប្រភពសារព័ត៌មាន ដែលបានដកស្រង់សម្តីមិនស្គាល់អត្តសញ្ញាណជនជាតិកាណាដារូបនោះ បានបញ្ជាក់ច្បាស់ថា ៖ សូមស្វាគមន៍របស់សាធារណៈជនទាំងអស់ ដែលមានបំណងមកទិញរបស់ប្រើប្រាស់ របស់ស្វាមីនាងខ្ញុំ ដែលនឹងប្រព្រឹត្តិទៅនៅផ្ទះនាងខ្ញុំផ្ទាល់ ចាប់ពីម៉ោង ៨ ព្រឹក ថ្ងៃទី៩ មីនានេះទៅ ស្របពេលដែលស្វាមីរបស់នាងខ្ញុំ គាត់ក៏កំពុងតែចេញទៅលំហែរកាយចុងសប្តាហ៍ ជាមួយនឹងស្រីកំណាន់របស់គាត់៕
ដោយ ៖ រិទ្ធីប្រភព ៖ spy