ប្លែកៗ ៖ បើយោងតាមសេចក្តីរាយការណ៍ ដែលបានចេញផ្សាយដោយទំព័រសារព័ត៌មានប្លែកបរទេស បានអោយដឹងថា ក្មេងប្រុសវ័យ ១៤ ឆ្នាំម្នាក់ត្រូវបានរកអោយឃើញថា មានការវិវត្តន៍សរីរាង្គខុសពីក្មេងៗដទៃ ពោលគឺ គេមានប្រអប់ជើងធំដូចដំរីអញ្ជឹងដែរ។
គួរបញ្ជាក់ផងដែរថា ក្មេងបុ្រសដ៏គួរអោយអាណិតវ័យ ១៤ ឆ្នាំនេះ មានឈ្មោះថា Meng Weixinមកពី Nongshan, Guangxi Zhuang ភាគខាងត្បូង ប្រទេសចិន។ លើសពីនេះទៅទៀត បើយោងតាមសម្តីរបស់ឪពុករបស់គេ ដែលមានឈ្មោះ Meng Zhaoguang បានអោយដឹងថា ប្រអប់ជើងរបស់គេមានការវិវត្តន៍ កាន់តែធំឡើងៗពីមួយថ្ងៃទៅមួយថ្ងៃ តែពួកគេមានអាចជូយអ្វីនោះទេ ក៏ដោយសារតែជីវភាពក្រុមគ្រួសារទ័លក្រ សឹងតែមិនគ្រប់នឹងទទួលទានអាហារប្រចាំថ្ងៃផងនោះ តើពួកគាត់មានថវិកាឯណាមកមើលជម្ងឺកូន ក៏ដូចជាធ្វើការវះកាត់នូវជម្ងឺដ៏កម្រមួយនេះចេញបាន។
ដោយឡែក បន្ទាប់ពីមានការចុះផ្សាយ ទាក់ទិនទៅនឹងក្មេងបុ្រសវ័យ ១៤ ឆ្នាំនេះ ក៏មានការបរិច្ចាកជាថវិកាមកពីគ្រប់ទិសទី ពីសំណាក់សប្បុរសជន ចូលរួមចំណែកក្នុងការព្យាបាលជម្ងឺដ៏កម្រមួយនេះ។ ទន្ទឹមនឺងពេលនេះ បើយោងតាមសម្តីលោកវេជ្ជបណ្ឌិត Tang Yujin បានអោយដឹងថា ជម្ងឺនេះ ជាជម្ងឺដ៏កម្រម៉្យាងដែលអោយឈ្មោះថា neurofibroma ពោលគឺវាគឺជាជម្ងឺដុះសាច់តែម្តង ហើយយើងនឹងព្យាយាមអោយអស់ពីលទ្ធភាពក្នុងការព្យាបាល Weixin អោយទាល់តែបាន៕
ដោយ ៖ ពិសីប្រភព ៖ Happening