កំពូលអ្នកបង្ហាញម៉ូដមានអាយុច្រើនបំផុតក្នុងពិភពលោក Carmen Dell'Orefice ៨១ឆ្នាំ អ្នកបង្ហាញម៉ូដ Carol Alt ៥១ឆ្នាំ និង Karen Bjornson អាយុ ៦០ឆ្នាំ ជាដើម បានបង្កអោយមានការចាប់អារម្មណ៍យ៉ាងខ្លាំង នៅក្នុងព្រឹត្តិការណ៍បង្ហាញម៉ូដដែលកំពុងត្រូវបានធ្វើឡើងនៅក្រុងញូវយ៉ក។
Carmen Dell'Orefice កំពុងសំដែងបង្ហាញម៉ូដនៅលើឆាករបស់ Norisol Ferrari កាលពីថ្ងៃទី ១០កញ្ញា
ពិធីបង្ហាញម៉ូដញូវយ៉ករដូវផ្ការីក និងរដូវក្ដៅ ២០១៣ ត្រូវបានគេរៀបចំធ្វើឡើងចាប់ពីថ្ងៃទី ៦កញ្ញា ឆ្នាំ ២០១២។ ទន្ទឹមនឹងការបង្ហាញខ្លួនរបស់កំពូលតារាបង្ហាញម៉ូដវ័យក្មេង ក៏បានវត្តមានកំពូលអ្នកបង្ហាញម៉ូដវ័យចំណាស់ល្បីឈ្មោះជាច្រើនរូប ធ្វើអោយពិធីនេះកាន់តែមានភាពអធិកអធម្ម។
Carmen Dell'Orefice បច្ចុប្បន្ន មានអាយុ ៨១ឆ្នាំ
អ្នកបង្ហាញម៉ូដវ័យ ៥១ឆ្នាំ Carol Al ក៏មានវត្តមាននៅលើឆាកនេះដែរ
កាលពីព្រឹកថ្ងៃទី ១០កន្លងទៅ នៅលើឆាកសំដែងរបស់ Norisol Ferrari នៅឯ Lincoln Center កំពូលអ្នកបង្ហាញម៉ូដវ័យ ៨១ឆ្នាំ ជាអ្នកស្រុកញូវយ៉ក Carmen Dell'Orefice បានធ្វើអោយទស្សនិកជនមានការភ្ញាក់ផ្អើល នៅពេលបង្ហាញខ្លួននៅលើឆាក បោះជំហានតាមបែប catwalk ប្រកបដោយជំនាញ។ កម្រងម៉ូដែលសម្លៀកបំពាក់ ២០១៣របស់ Norisol Ferrari បានធ្វើអោយបណ្ដារូបភាពរបស់កំពូលតារាបង្ហាញម៉ូដក្នុងទសវត្សឆ្នាំ ១៩៤០ បានរស់ឡើងវិញ។ Marilyn Monroe, Rita Hayworth និង Rita Moreno ត្រូវបានគេមើលឃើញថា ជាព្រលឹងនៃកម្រងម៉ូដែលនេះ៕
ដោយ ៖ សូរីយ៉ាប្រភព ៖ VE