ភ្នំពេញ ៖ ផ្ទះមន្ដ្រីនគរបាលអន្ដោ ប្រវេសន៍ នៅព្រលាន យន្ដហោះអន្ដរជាតិ ភ្នំពេញ បានរងនូវការឆាបឆេះ ដោយសារ តែកូនស្រីរបស់គាត់់ អុចធូបសែនជំនាងផ្ទះ សែនថ្ងៃសីល រួចបង្កឱ្យមានអគ្គិភ័យកើត ឡើង ផ្អើលប្រជាពលរដ្ឋ នៅក្បែរកន្លែងកើតហេតុ នាំគ្នាមកជួយបាញ់ពន្លត់ កាលពីវេលា ម៉ោង៩និង៤០នាទី ក្នុងដីឡូត៍លេខ២១ ក្រុមទី៣២ ភូមិ៤ សង្កាត់បឹងកេងកងទី២ ខណ្ឌចំការមន ។
សេចក្ដីរាយការណ៍ ពីសមត្ថកិច្ចមូលដ្ឋាន បានឱ្យដឹងថា ម្ចាស់ផ្ទះរងគ្រោះឈ្មោះរិទ្ធ សារ៉ន អាយុ៥៣ឆ្នាំ ជាមន្ដ្រីនគរបាលអន្ដោ ប្រវេសន៍ នៅព្រលានយន្ដ ហោះអន្ដរជាតិ ភ្នំពេញហើយនៅពេលមានករណីអគ្គិភ័យ នេះ លោកកំពុងធ្វើការ រួចជិះម៉ូតូយ៉ាងលឿនមកផ្ទះ ។
បើតាមសមត្ថកិច្ចមុនពេលកើតហេតុកូនស្រីរបស់គាត់ម្នាក់បានអុចធូបសែនជំនាងផ្ទះសម្រាប់ថ្ងៃសីល រួចក៏ចុះមកក្រោម ធ្វើឱ្យភ្លើងធូបឆេះ ត្រូវបានប្រជា ពលរដ្ឋនៅក្បែរខាងឃើញទាន់ក៏នាំគ្នាជួយអន្ដរាគមន៍ ដោយយកបំពង់ពន្លត់អគ្គិភ័យចំនួនពីរ មកបាញ់ពន្ដត់ ដោយមិនរំខានសមត្ថកិច្ចពន្លត់អគ្គិភ័យនោះឡើយ ។
យ៉ាងណាក៏ដោយ អគ្គិភ័យខាងលើនេះ មិនបណ្ដាលឱ្យឆាបឆេះខ្ទេចផ្ទះទាំងស្រុងនោះឡើយ ពោលសម្ភារៈនៅខាងក្នុងផ្ទះមួយចំនួនដូចជាទូរទស្សន៍ តុតូចនិងទ្រព្យសម្បត្ដិខ្លះ ទៀងរងការខូចខាត។ ក្នុងគ្រោះអគ្គិភ័យនេះ កូនប្រុសម្ចាស់ផ្ទះម្នាក់អាយុជិត២០ឆ្នាំបានដេកនៅក្នុងបន្ទប់ឡៅតឿ ប៉ុន្ដែមិនបានធ្វើឱ្យប៉ះពាល់ដល់អាយុជីវិតនោះឡើយ ៕
ផ្តល់សិទ្ធិដោយ៖ ដើមអម្ពិល