ព័ត៌មានកំសាន្ត ៖ បណ្តាតារាស្រីប្រទេសចិន មួយចំនួនបានផ្អើលនាំគ្នាលេងល្បែងកំសាន្តមួយតាម ប្រព័ន្ធអិនធើណេត ដើម្បីសរបញ្ជាក់អោយឃើញថា ខ្លួនពិតជាមានរាងស្គមស្អាត ពិតប្រាកដមែន។
សេចក្តីរាយការណ៍ ពីទំព័រ អាស៊ីវ័នអោយដឹងថា បណ្តាស្រីប្រទេសចិនដែលបានចូលរួមលេងល្បែង ប្រភេទនេះ រួមមានដូចជា នាង Yang Mi, Jenny Zhang, Xu Fei និងមានមួយចំនួនផ្សេងទៀតបាន ចូលរួមលេងល្បែងកំសាន្ត យកដៃបិទផ្ចិត ដើម្បីធានា និងបញ្ជាក់អោយបានថាពួកគេអាចធ្វើបាន ឬក៏យ៉ាងណា ក្នុងករណី ពួកគេអាចធ្វើបាន នោះបានន័យថា ពួកគេពិតជាមានរាង ស្រឡូន ស្អាត មិនសូវជាធាត់នោះឡើយ ។
ដើម្បីបញ្ជាក់បានថា អ្នកមានរាង ស្អាត លក្ខខ័ណ្ឌ ក្នុងការ លេងល្បែងកំសាន្តប្រភេទនេះគឺ នារីៗ ត្រូវតែយកដៃឆ្វេងឬស្តាំ ព័ន្ធទៅក្រោយខ្នង ព័ន្ធមកចាប់ ឬប៉ះ ផ្ចិតរបស់ខ្លួន ។ សេចក្តីរាយការណ៍ ពីសារព័ត៌មានចិន បញ្ជាក់បានថា បណ្តាតារាស្រីចិនភាគច្រើន បានលែងល្បែងកំសាន្តមួយនេះនៅ គ្រប់ទីកន្លែងដូចជា ក្នុងផ្ទះ ក្នុងភោជនីយដ្ឋាន ឬនៅតាមទីសាធារណៈ ជាដើម ។ មិនត្រឹមតែមាន ការចួលរួមលេងពីសំណាក់តារាស្រីចិនតែប៉ុណ្ណោះទេ តែនៅក្នុងនោះ គេ ក៏ឃើញមាន បងប្អូនប្រជា ជនចិនចូលរួមលេងដូចគ្នាដែរ ខណៈពលរដ្ឋចិន មួយចំនួនបានលើកឡើងអោយដឹងថា ៖ ខ្លួនមាន ភាពអៀនខ្មាស់ ស្របពេលមួយចំនួនផ្សេងទៀត បញ្ជាក់ ថា គួរអោយអស់សំណើច ទោះជាយ៉ាង ណាក៏ដោយចុះ ក្រុមបុរសមួយចំនួន មានបំណងចង់ចូលរួមលេងដូចគ្នាដែរតែបើតាមនឹកគិតទំនង ជាមិនជោគជ័យដូចនារីៗនោះទេ ព្រោះថា បុរសៗ មាន ក្បាល ពោះ ហេតុតែចូលចិត្ត ទទួលទាន សុរា នោះអី ៕
ប្រែសម្រួល ៖ កុសល
ប្រភព ៖ អាស៊ីវ័ន