ភាពទាន់សម័យនៃរថយន្ដ តែងតែមានការផ្លាស់ប្ដូរប្លែកៗពីមួយថ្ងៃទៅមួយថ្ងៃ។ ដូចជារថយន្ដVauxhall Astra ជាប្រភេទរថយន្ដតូចមួយរបស់ក្រុមហ៊ុន General Motors UK Limited ដែលគេគ្រោងនឹងចេញម៉ូដែលថ្មីនាឆ្នាំ ២០១២ នេះ។ រថយន្ដនេះនឹងត្រូវបានរចនាឡើងយ៉ាងលេចធ្លោ ដោយដងខ្លួនរបស់វាត្រូវបានស្រោបក្រណាត់ ដែលមិនជ្រាបទឹក ហើយនឹងត្រូវបានដាក់ឈ្មោះថ្មី គឺ 'Astra Twinton'។
តាមសេចក្ដីរាយការណ៍មួយនៃក្រុមហ៊ុនរថយន្ដ General Motors UK Limited បានអោយដឹងថា ពេលនេះយើងមិនអាចដាក់ឈ្មោះថា 'Astra Twinton' ទេ ពីព្រោះរថយន្ដនេះនៅមិនទាន់កែច្នៃបានទាំស្រុងនៅឡើយ។ តាមប្រភពដដែលបានអោយដឹងថា ការប្រែឈ្មោះរថយន្ដនេះព្រោះគេសង្ឃឹមថានឹងមានផលប្រយោជន៍ច្រើន ដែលនឹងអាចរកប្រាក់កំរៃបានច្រើន។
តាមការអះអាងរបស់ក្រុមហ៊ុន បានអោយដឹងថា 'Astra' នឹងត្រូវរចនាថ្មី ដោយដងខ្លូនរបស់វានិងដំបូលត្រូវបំពាក់ដោយក្រណាត់ម្យ៉ាងដែលមិនជ្រាបទឹក ជាពិសេគឺការកាត់បន្ថយទម្ងន់ខ្លួនរបស់វា។ រថយន្ដដែលមានលំនឹងស្រាលល្មមនេះ នឹងដាក់លក់ក្នុងទីផ្សារ ក្នុងតំលៃ ១៨៦៥៣ ផោន៕
ដោយ៖ សារិនប្រភព៖carmagazine