បញ្ហារឿង វីដេអូសិចរបស់នាង Kim Kardashian និងអតីតមិត្តប្រុស Ray-J ដែលបានបែកធ្លាយកាលពីខែមុនមកនេះ បានស្ងប់ស្ងាត់ទៅវិញហើយ តែកាលពីពេលថ្មីៗនេះវាហាក់ដូចជាកំពុងតែពុះឡើងមកវិញនៅពេលដែលអតីតមិត្តប្រុសរបស់នាងមួយរូបទៀតគឺលោក Nick Cannon បានចូលរួមក្នុងកម្មវិធី The Howard Stern Show ហើយបាននិយាយពីមូលហេតុដែលនាំអោយលោកបែកបាក់ពីនាង Kim Kardashian។
Kim Kardashian និង Nick Cannon
តារាបុស្ត៍វិទ្យុ Nick Cannon ដែលពេលនេះគឺជាស្វាមីរបស់តារាចម្រៀងនាង Mariah Carey បានប្រាប់អោយដឹងទាំងភាពសោកស្ដាយថា ការពិតទៅគឺគាត់បានចាប់ផ្ដើមស្នេហាក្រោយពេលដែលKim និង Ray ថតរឿងសិច ហើយមូលហេតុចំបងដែលនាំអោយលោកសុំបែកពី Kim នាខែមករាឆ្នាំ ២០០៧ នោះគឺមកពីនាងបានកុហកលោក ពីបញ្ហារឿងសិចនេះឯង។
Kim និងមិត្តប្រុសសព្វថ្ងៃ Kanye West
ចំណងស្នេហារបស់ Nick និង Kim គឺមានរយៈពេលខ្លីប៉ុណ្ណោះ ចាប់ពីខែ កញ្ញា ២០០៦ ដល់ខែមករា ២០០៧។ Nick ធ្លាប់បានសួរ Kim ពីរឿងសិចដែលគេថតជាមួយនិង Ray មុនពេលដែលគេបានចាប់ផ្ដើមស្នេហាជាមួយនាង ព្រោះ Ray បានធ្វើការរំខានខ្លួនជាមួយនឹងបញ្ហានេះ ប៉ុន្តែនាងKim Kardashian នៅតែបដិសេធថាគេមិនបានថតរឿងសិចជាមួយអតីតមិត្តប្រុសនោះទេ។
Nick និងភរិយាសព្វថ្ងៃ
Nick ប្រាប់ថាអតីតមិត្តស្រីរបស់នាងគឺជាមនុស្សម្នាក់ដែលល្អណាស់ នាងរួសរាយ និងមានចិត្តល្អតែដោយសារតែការកុហកនេះហើយដែលបណ្ដាលអោយលោកអស់ចិត្តស្រលាញពីនាង ហើយមកដល់ពេលនេះលោកមិនដែលគិតនោះទេព្រោះលោកបានរៀបការជាមួយនឹងតារាចម្រៀងនាងMariah Carey ហើយថែមទាំងមានកូនដ៏គួរអោយស្រលាញ់ទៀតផង៕
ដោយ៖ ផានិតប្រភពពី៖ Dailymail