អារ៉ាប់៖ មិនត្រឹមតែ មានអាគារខ្ពស់ៗ និងល្អប្រណិតជាងគេលើពិភពលោកទេ ប៉ុន្ដែពេលនេះ ប្រទេសអារ៉ាប់ បានចង់សាងសង់សណ្ឋាគារ ដែលធំ និងល្អដាច់គេ នៅក្រោមផ្ទៃទឹកសមុទ្រទៀតផង។
លោក Bogdan Gutkowsik ប្រធានអភិវឌ្ឍន៍ ក្រុមហ៊ុន BiG បាននិយាយថា លោកចង់បើកការដ្ឋានសំណង់ នៅក្រោមទឹកសមុទ្រដ៏ជ្រៅមួយ អោយបានឆាប់រហ័សបំផុត។ លោកបានបន្ដថា ការសាងសង់សំណង់នោះ គឺថា យើងត្រូវធ្វើយ៉ាងណា អោយមានលក្ខណៈជា សណ្ឋាគារ ដែលក្នុងនោះ ត្រូវមានបន្ទប់ប្រហែលជា ២១បន្ទប់។
ទិដ្ឋភាពទូទៅ នៃអាគារនៅក្រោមទឹក
ការសាងសង់បន្ទប់ គឺធ្វើយ៉ាងណា អោយមានភាពធំទូលាយ ដែលអាចអោយភ្ងៀវ មើលបានសព្វគ្រប់ទិសទី នៅក្នុងបាតសមុទ្រ។ គោលបំណង នៃការសាងសង់សណ្ឋាគារ គឺថាលោកBogdan ចង់អោយ នុស្សទាំងអស់បានដឹង និងចុះទៅកំសាន្ដនៅក្នុងបាតសមុទ្រដែល កន្លងមកពួកគេ ពុំសូវបានឃើញទិដ្ឋភាពទាំងនោះ៕
ដោយ៖ វត្ដីប្រភព៖ newsday