ប្លែកៗ៖ នៅពេលដែលគេបង្ហោះរូបភាពនៃសត្វកំប្រុក ដែលលោតពីដើមឈើមួយ ទៅដើមឈើមួយ ដែលមានចម្ងាយឆ្ងាយៗពីគ្នា ពោលមើលទៅ គឺដូចសត្វកំប្រុកចេះហើរនោះ គឺបានធ្វើអោយមនុស្សមានការភ្ងាក់ផ្អើលយ៉ាងខ្លាំង ដែលនេះ គឺអាចចាត់ទុកថាសត្វជើងបួនមួយនេះ គឺចេះហោះហើរ ដូចសត្វបក្សាបក្សីអញ្ចឹង។
លោក Andrey មានវ័យ ៤០ឆ្នាំ បាននិយាយថា រូបភាពនៃសត្វកំប្រុក តូចដែលអាចលោតពីដើមឈើមួយទៅដើមឈើមួយនេះ គឺត្រូវបានគាត់ជាអ្នកផ្ដិតរូបភាពមក ពីតំបន់ព្រៃ Novosibirsk នៃប្រទេសរុស្ស៊ី។
លោកAndrey បានបន្ថែមថា វាពិតជាអស្ចារ្យណាស់ ខណៈដែលសត្វនេះ អាចផ្លោងខ្លួនពីដើមឈើមួយទៅដើមឈើមួយ ដែលមានគម្លាតដល់ទៅ ៧-៨ ម៉ែត្រឯណ្ណោះ។ គាត់បានបញ្ចាក់ថាការលោតពីដើមឈើមួយទៅដើមឈើមួយ ដែលមានចម្ងាយឆ្ងាយបែបនេះ គឺដូចសត្វមួយនេះចេះហោះហើរអញ្ចឹង ដូច្នេះហើយគាត់ក៏បានផ្ដិតរូបភាពនេះ អោយមនុស្សទូទៅបានមើល៕
ដោយ៖ នារីប្រភព៖ dailaymail