Kristen Stewart ៖ "ស្រាតគឺជាបញ្ហាតូចតាច"

នៅក្នុងសាច់រឿង The Perks of Being a Wallflower  តារាសំដែង Emma Watson  ដែលត្រូវបានតម្រូវអោយដោះអាវបន្ដិច តែនាងហាក់ដូចជាមានការភ័យខ្លាចយ៉ាងខ្លាំង ប៉ុន្ដែចំពោះ Kristen Stewart វិញ មិនបានចាត់ទុកការថតស្រាតគឺជាបញ្ហាធំនោះទេ។ តួអង្គក្នុងរឿងTwilight រូបនេះ បានបង្ហើបអោយដឹងថា ទិដ្ឋភាពលែងខ្លួននៅចំពោះមុខមិត្តរួមការងារ Garrett Hedlund និង Sam Riley ក្នុងខ្សែភាពយន្ដ On the Road  មិនមែនជាបញ្ហាធំសម្រាប់នាងនោះឡើយ។

Kristen Stewart និយាយប្រាប់ MTV News ថា ៖ ខ្ញុំមិនមានអារម្មណ៍ថា ត្រូវរំខាន់នោះទេ នៅពេលត្រូវដោះសម្លៀកបំពាក់។ អ្នកអាចធ្វើអ្វីៗបានទាំងអស់ជាមួយអ្នកដឹកនាំរឿង Walter Salles ។ នៅក្នុងការហាត់សមរយៈពេល ៤សប្ដាហ៍សម្រាប់ខ្សែភាពយន្ដ On the Road យើងអាចសួរសំណួរណាមួយក៏បាន ទាក់ទឹននឹងបញ្ហាក្នុងសាច់រៀង ដើម្បីរួមគ្នាដោះស្រាយ។